Лінкі ўнівэрсальнага доступу

logo-print

Сярод фіналістаў – Ігар Бабкоў з кнігай “Адам Клакоцкі і ягоныя цені”. НА НАШЫМ САЙЦЕ АДБЫЛАСЯ ЖЫВАЯ ВІДЭАТРАНСЬЛЯЦЫЯ З КАВЯРНІ “ЛІТАРАТКА” ВА ЎРОЦЛАВЕ


У польскім горадзе Ўроцлаве ў суботу будзе названы ляўрэат штогадовай прэміі “Ангелус”, якая прысуджаецца найлепшай празаічнай кнізе літаратара з Цэнтральнай і Ўсходняй Эўропы, перакладзенай на польскую мову або напісанай па-польску.

Прэмія “Ангелус” – унікальная падзея ў літаратурным жыцьці нашай часткі Эўропы, да ўдзелу ў конкурсе прымаюцца творы літаратараў 21 краіны – постсавецкай прасторы, краінаў былога сацыялістычнага лягеру, а таксама Нямеччыны і Аўстрыі.

Сёлетняя ўрачыстасьць – ужо чацьвертая па ліку. Трыма папярэднімі ляўрэатамі “Ангелуса” былі Юры Андруховіч (Украіна), Мартын Поляк (Аўстрыя) і Пэтэр Эштэрхазі (Вугоршчына).

Фіналісты “Ангелуса” за кнігі, выдадзеныя ў 2008 годзе:

Ігар Бабкоў (Беларусь) – “Адам Клакоцкі і ягоныя цені”
Міленка Ергавіч (Босьнія) – “Рута Танэнбаўм”
Ота Філіп (Чэхія) – “Суседзі і тыя іншыя”
Ёзэф Шкворэцкі (Чэхія) – “Прыгоды інжынэра чалавечых душаў”
Інга Івасюў (Польшча) – “Бамбіна”
Кшыштаф Варга (Польшча) – “Гуляш з туруля”
Бэрнгард Шлінк (Нямеччына) – “Вяртаньне дадому”

Урачыстая цырымонія абвяшчэньня ляўрэата адбудзецца ў суботу ўвечары. А ў 14.00 адбылася сустрэча Ігара Бабкова з уроцлаўскай публікай.

Запіс жывой відэатрансьляцыі з уроцлаўскай кавярні “Літаратка”: гутарка зь Ігарам Бабковым:



Паказаць камэнтары

XS
SM
MD
LG