Лінкі ўнівэрсальнага доступу

logo-print

Паводле кіраўніка цэнтру Мізэса Яраслава Раманчука, тое, што Палата прадстаўнікоў так апэратыўна прыняла дакумэнты па Мытным саюзе, сьведчыць пра тое, што яна зьяўляецца “органам, убудаваным у прэзыдэнцкую кампанію Аляксандра Лукашэнкі”.

Паводле спадара Раманчука, гэтае рашэньне — яшчэ адна спроба ціску на расейскія ўлады, каб яны зрабілі ільготны рэжым для гандлю энэрганосьбітамі. Тады афіцыйны Менск можа сказаць, што сваю частку дамоўленасьці выканаў, а чаму Расея нічога не выконвае? Спадар Раманчук мяркуе, што чакаць зьмяншэньня цэнаў на расейскія энэрганосьбіты пакуль няма падставаў.

“Пра гэта нядаўна казаў і Пуцін. Ён сказаў, што мы багата дапамаглі беларусам, цяпер чакаем саступак. Палітычных саступак. Трэба будзе аддаць частку эканамічнага сувэрэнітэту нейкаму наднацыянальнаму органу. А я ня думаю, што на гэтыя рэчы пойдзе беларускі бок. Таму гэта гульня такая выломліваньня рук і стварэньня нейкай напружанасьці перад Новым годам, каб потым сказаць, што беларускі бок усё зрабіў, а Расея зноў не гатовая для партнэрскіх узаемаадносін”.
XS
SM
MD
LG