Лінкі ўнівэрсальнага доступу

Актывіста “Моладзі БНФ” на працы не аднавілі


Аляксандар Кузьняцоў

Аляксандар Кузьняцоў

Аляксандру Кузьняцову ўдалося дамагчыся толькі грашовай кампэнсацыі ад кіраўніка ААТ «Гемал», адкуль яго звольнілі неўзабаве пасьля ўдзелу ў несанкцыянаванай акцыі.

Судзьдзя Першамайскага райсуду Вольга Ільлюшонак пастанавіла, што дырэктар ААТ «Гемал» Генадзь Мазілаў мусіць выплаціць актывісту каля двух з паловай мільёнаў рублёў — канчатковы разьлік па звальненьні, а таксама кампэнсацыю за кожны дзень пратэрміноўкі выплат.

Спадар Кузьняцоў перакананы, што яго звольнілі з працы за палітычную дзейнасьць — пасьля таго як ён узяў удзел у несанкцыянаванай акцыі ў Гарадку. У Дзень Незалежнасьці 27 ліпеня спадар Кузьняцоў прывёз у Гарадок групу моладзі на ўласнай аўтамашыне. Падчас акцыі некалькі актывістаў былі затрыманыя і пазьней аштрафаваныя, аднак да Аляксандра Кузьняцова ніякіх прэтэнзій з боку міліцыі не было. Але праз колькі дзён яму перадалі, што пра гэтую паездку ведае кіраўнік ААТ «Гемал», дзе хлопец працаваў майстрам-ювэлірам. Неўзабаве ён даведаўся, што звольнены з працы «па згодзе бакоў» яшчэ 1-га ліпеня.

Аляксандар Кузьняцоў здолеў давесьці суду, што яго звольнілі з парушэньнем заканадаўства, аднак судзьдзя не задаволіла ягоныя пазовы што да аднаўленьня на працы і кампэнсацыі маральнай шкоды, якую моладзевы актывіст ацаніў у 4 мільёны рублёў.
XS
SM
MD
LG