“Мы дамовіліся, што ў першай палове будучага году мы вырашым пытаньні і выйдзем на адзіную мытную прастору, вызначым тэрміны яе стварэньня. Мы дамовіліся, што з 1 ліпеня 2010 года разам, трыма дзяржавамі, выйдзем на адзіную мытную тэрыторыю”, – заявіў А. Лукашэнка пасьля перамоваў.
Сярод іншага Менск, Астана і Масква дамовіліся аб увядзеньні адзінага мытнага тарыфу з 1 студзеня 2010 года, а з 1 ліпеня ўвойдзе ў сілу мытны кодэкс трох краін. Фармаваць мытны тарыф даручана Камісіі Мытнага саюза.Адпаведныя дакумэнты падпісалі 27 лістапада ў Мінску прэзыдэнты Аляксандр Лукашэнка, Нурсултан Назарбаеў і Дзьмітрый Мядзьведзеў.
Раней датай стварэньня Мытнага саюзу называлася 1 студзеня 2010 года.
У прыватнасьці адказны сакратар Мытнай камісіі Мытнага саюзу Сяргей Глазьеў заяўляў, што найвышэйшы орган Мытнага саюзу павінен сёньня ўхваліць рашэньне аб увядзеньні ў дзеяньне адзінага мытнага тарыфу, агульнага мытнага кодэксу і даць старт асноўным мэханізмам функцыянаваньня Мытнага саюзу з 1 студзеня 2010 году.
З гэтай даты павінен пачаць працу і наднацыянальны орган рэгуляваньня зьнешнегандлёвай дзейнасьці — Камісія Мытнага саюзу. Яе рашэньні будуць абавязковымі для трох дзяржаў.
Аляксандар Лукашэнка заявіў, што заплянаваныя да прыняцьця ў рамках Мытнага саюзу рашэньні не ўва ўсім адпавядаюць інтарэсам Беларусі.
“Шэраг заплянаваных да рашэньня пытаньняў вельмі адчувальныя для беларускага боку і не ўва ўсім нясуць пазытыўны эфэкт”, — заявіў А.Лукашэнка на сустрэчы.
“Аднак, мы ідзем сёньня на іх, бо разьлічваем у канчатковым выніку на збалянсаванасьць інтарэсаў, якія прывядуць да агульных вынікаў для ўсіх бакоў і супольнасьці ў цэлым.
Мы спадзяемся, што сыгналы пра тое, што некаторыя нашы партнэры не настроены на справе даказваць сваю прыхільнасьць да кампрамісаў і гнуткасьці пры рашэньні агульных праблемаў, — беспадстаўныя. Горш за ўсё, калі нацыянальны эгаізм і інтарэс моманту будуць пераважаць над жыцьцёва важнымі інтарэсамі саюзу”, — сказаў А.Лукашэнка, перадае Інтэрфакс.
Намесьнік дырэктара беларускай аўтакрамы "CARPLAZA" Юры Крывадубскі сказаў, што да расейскага “вар’яцкага касмічнага мыта беларусы проста не гатовыя, і для беларусаў гэта проста космас”. Паводле спадара Крывадубскага, “памрэ многа афіцыйных дылераў, нейкіх юрыдычных асобаў”.
Прадстаўнікі МЗС Беларусі на круглым стале, які адбыўся на мінулым тыдні, казалі, што для Беларусі Мытны саюз – гэта толькі саюз энэргетычны. А Мядзьведзеў і Пуцін сказалі, што нафта і газ не з’яўляюцца таварамі Мытнага саюзу”.
Расейская Фэдэральная мытная служба апублікавала падрабязнасьці плянаванага стварэньня мытнага саюзу Беларусі, Расеі і Казахстану.
27.11.2009
Падпісаньне дамовы аб мытным саюзе прэзыдэнтамі Беларусі, Расеі і Казахстану
01.01.2010
Увядзеньне аднолькавых мытных тарыфаў і іншых правілаў рэгуляваньня імпарту для краінаў мытнага саюзу (за выключэньнем некаторых вызначаных катэгорыяў)
01.04.2010
Пачатак тэставаньня мэханізма збору і разьмеркаваньня мытных пошлінаў унутры мытнага саюзу
01.07.2010
01.07.2011
Перанос мытнага кантролю мытнага саюзу на зьнешнюю мяжу Казахстану.
Меркаваньні аналітыкаў наконт падпісаньня дамовы аб Мытным Саюзе збольшага падзяляюцца на катастрафічныя і скептычныя. Адныя гавораць аб перамозе Масквы і пачатку прыгнёту расейскім капіталам беларускага рынку. Іншыя называюць пагадненьне дзяржаўным піярам, кшталту эпапеі з Саюзнай дзяржавай, які далей за дэклярацыі ніколі ня пойдзе.
Ці можа стацца, што Мытны саюз, абвешчаны пакуль што толькі на паперы ды з высокіх трыбунаў, так і застанецца з шэрагу дэкляраваных намераў? Казахстанскі палітоляг Дасым Сатпаеў не выключае такога разьвіцьця падзеяў — маўляў, занадта шмат супярэчнасьцяў як на ўзроўні дзяржаваў, так і паміж кіраўнікамі Беларусі, Расеі і Казахстану
“Я практычна перакананы, што гэты Мытны саюз чакае такі ж лёс, як і ягоных шматлікіх папярэднікаў — так званую Саюзную дзяржаву Расеі і Беларусі, Адзіную эканамічную прастору, ЭўрАзЭС, СНД і г.д.”
Прэзыдэнты Беларусі, Казахстану і Расеі сёньня падпісалі пакет дакумэнтаў аб стварэньні Мытнага саюзу. Пра гэта па выніках менскага саміту паведаміў А. Лукашэнка. Паводле ягоных словаў, “з 1 ліпеня пачне функцыянаваць адзіная мытная тэрыторыя ў рамках Беларусі, Расеі і Казахстану”.
Даляр — такі ж тавар, як і ўсе іншыя. І правілы валютнага рэгуляваньня павінны быць цяпер аднолькавымі для грамадзянаў усіх трох краін. Казахстан зыходзіць тут зь лічбы ў 10 тысяч даляраў, Беларусь і Расея дазваляюць вывозіць без дэклярацыі па 3 тысячы.
Паводле эканаміста Леаніда Злотнікава, калі будзе разьвівацца эканоміка, расьці ўнутраны валавы прадукт, то нешта будуць мець і грамадзяне Беларусі.
Падпісаньне дакумэнтаў аб Мытным саюзе — выгадна для Беларусі. Пра гэта заявіў былы дэпутат Палаты прадстаўнікоў Сяргей Гайдукевіч.
Паводле маскоўскага палітоляга Кірыла Коктыша, для Беларусі стварэньне мытнага саюзу “трох” азначае роўны доступ да расейскага рынку і патэнцыйны доступ да ўнутраных расейскіх коштаў на энэрганосьбіты.
Лідэры Беларусі, Казахстану і Расеі адклалі вырашэньне пытаньняў, якія выклікаюць найвастрэйшыя спрэчкі паміж Менскам і Масквой: пра мыта на нафту і на легкавыя аўтамабілі.
Беларусь, Расея і Казахстан стварылі Мытны саюз. Чаму ўдалося сфармаваць новае аб’яднаньне ў кароткія тэрміны? Хто выйграе, а хто прайграе ад стварэньня Мытнага саюзу? Што здабудзе, а што страціць Беларусь? Удзельнікі “Экспэртызы Свабоды” журналістка газэты “Белорусы і рынок” Тацьцяна Манёнак і палітычны аглядальнік Радыё Свабода Віталь Портнікаў.
Сярод іншага Менск, Астана і Масква дамовіліся аб увядзеньні адзінага мытнага тарыфу з 1 студзеня 2010 года, а з 1 ліпеня ўвойдзе ў сілу мытны кодэкс трох краін. Фармаваць мытны тарыф даручана Камісіі Мытнага саюза.Адпаведныя дакумэнты падпісалі 27 лістапада ў Мінску прэзыдэнты Аляксандр Лукашэнка, Нурсултан Назарбаеў і Дзьмітрый Мядзьведзеў.
Раней датай стварэньня Мытнага саюзу называлася 1 студзеня 2010 года.
У прыватнасьці адказны сакратар Мытнай камісіі Мытнага саюзу Сяргей Глазьеў заяўляў, што найвышэйшы орган Мытнага саюзу павінен сёньня ўхваліць рашэньне аб увядзеньні ў дзеяньне адзінага мытнага тарыфу, агульнага мытнага кодэксу і даць старт асноўным мэханізмам функцыянаваньня Мытнага саюзу з 1 студзеня 2010 году.
З гэтай даты павінен пачаць працу і наднацыянальны орган рэгуляваньня зьнешнегандлёвай дзейнасьці — Камісія Мытнага саюзу. Яе рашэньні будуць абавязковымі для трох дзяржаў.
Лукашэнка: Рашэньні не ўва ўсім адпавядаюць інтарэсам Беларусі
Аляксандар Лукашэнка заявіў, што заплянаваныя да прыняцьця ў рамках Мытнага саюзу рашэньні не ўва ўсім адпавядаюць інтарэсам Беларусі.
“Шэраг заплянаваных да рашэньня пытаньняў вельмі адчувальныя для беларускага боку і не ўва ўсім нясуць пазытыўны эфэкт”, — заявіў А.Лукашэнка на сустрэчы.
“Аднак, мы ідзем сёньня на іх, бо разьлічваем у канчатковым выніку на збалянсаванасьць інтарэсаў, якія прывядуць да агульных вынікаў для ўсіх бакоў і супольнасьці ў цэлым.
Мы спадзяемся, што сыгналы пра тое, што некаторыя нашы партнэры не настроены на справе даказваць сваю прыхільнасьць да кампрамісаў і гнуткасьці пры рашэньні агульных праблемаў, — беспадстаўныя. Горш за ўсё, калі нацыянальны эгаізм і інтарэс моманту будуць пераважаць над жыцьцёва важнымі інтарэсамі саюзу”, — сказаў А.Лукашэнка, перадае Інтэрфакс.
Да расейскага касьмічнага мыта беларусы не гатовыя
З Мытнага саюзу выключылі галоўнае
Прадстаўнікі МЗС Беларусі на круглым стале, які адбыўся на мінулым тыдні, казалі, што для Беларусі Мытны саюз – гэта толькі саюз энэргетычны. А Мядзьведзеў і Пуцін сказалі, што нафта і газ не з’яўляюцца таварамі Мытнага саюзу”.
Калі будзе створаны Мытны саюз?
Расейская Фэдэральная мытная служба апублікавала падрабязнасьці плянаванага стварэньня мытнага саюзу Беларусі, Расеі і Казахстану.
27.11.2009
Падпісаньне дамовы аб мытным саюзе прэзыдэнтамі Беларусі, Расеі і Казахстану
01.01.2010
Увядзеньне аднолькавых мытных тарыфаў і іншых правілаў рэгуляваньня імпарту для краінаў мытнага саюзу (за выключэньнем некаторых вызначаных катэгорыяў)
01.04.2010
Пачатак тэставаньня мэханізма збору і разьмеркаваньня мытных пошлінаў унутры мытнага саюзу
01.07.2010
- Увядзеньне ў дзеяньне адзінага Мытнага кодэксу мытнага саюзу
- Перанос мытнага кантролю на зьнешнія межы Беларусі і Расеі з увядзеньнем мэханізму разьмеркаваньня даходаў ад пошлінаў паміж Менскам і Масквой
- Скасаваньне мытнага кантролю на мяжы Казахстану з Расеяй і Беларусьсю
01.07.2011
Перанос мытнага кантролю мытнага саюзу на зьнешнюю мяжу Казахстану.
Міты пра мыта
Меркаваньні аналітыкаў наконт падпісаньня дамовы аб Мытным Саюзе збольшага падзяляюцца на катастрафічныя і скептычныя. Адныя гавораць аб перамозе Масквы і пачатку прыгнёту расейскім капіталам беларускага рынку. Іншыя называюць пагадненьне дзяржаўным піярам, кшталту эпапеі з Саюзнай дзяржавай, які далей за дэклярацыі ніколі ня пойдзе.
Экспэрт: “Мытны саюз будзе суправаджацца шматлікімі скандаламі”
Ці можа стацца, што Мытны саюз, абвешчаны пакуль што толькі на паперы ды з высокіх трыбунаў, так і застанецца з шэрагу дэкляраваных намераў? Казахстанскі палітоляг Дасым Сатпаеў не выключае такога разьвіцьця падзеяў — маўляў, занадта шмат супярэчнасьцяў як на ўзроўні дзяржаваў, так і паміж кіраўнікамі Беларусі, Расеі і Казахстану
Раманчук: “Мытны саюз — чарговая піяр-акцыя”
“Я практычна перакананы, што гэты Мытны саюз чакае такі ж лёс, як і ягоных шматлікіх папярэднікаў — так званую Саюзную дзяржаву Расеі і Беларусі, Адзіную эканамічную прастору, ЭўрАзЭС, СНД і г.д.”
Мытны саюз запрацуе не раней за 1 ліпеня наступнага года
Прэзыдэнты Беларусі, Казахстану і Расеі сёньня падпісалі пакет дакумэнтаў аб стварэньні Мытнага саюзу. Пра гэта па выніках менскага саміту паведаміў А. Лукашэнка. Паводле ягоных словаў, “з 1 ліпеня пачне функцыянаваць адзіная мытная тэрыторыя ў рамках Беларусі, Расеі і Казахстану”.
Сярод іншага Менск, Астана і Масква дамовіліся ўвесьці адзіны мытны тарыф з 1 студзеня 2010 году, а з 1 ліпеня мае ўвайсьці ў сілу мытны кодэкс трох краін. Фармаваць мытны тарыф даручана Камісіі Мытнага саюзу. Такім чынам, рэальна Мытны саюз пачне працаваць не раней за ліпень будучага году.
Беларусам дазволяць вывозіць $10 тысяч без дэклярацыі?
Даляр — такі ж тавар, як і ўсе іншыя. І правілы валютнага рэгуляваньня павінны быць цяпер аднолькавымі для грамадзянаў усіх трох краін. Казахстан зыходзіць тут зь лічбы ў 10 тысяч даляраў, Беларусь і Расея дазваляюць вывозіць без дэклярацыі па 3 тысячы.
Злотнікаў: Беларусь — найбольш адсталая краіна ў Мытным саюзе
Паводле эканаміста Леаніда Злотнікава, калі будзе разьвівацца эканоміка, расьці ўнутраны валавы прадукт, то нешта будуць мець і грамадзяне Беларусі.
Гайдукевіч: Можа адбыцца вельмі непрыемная рэч
Падпісаньне дакумэнтаў аб Мытным саюзе — выгадна для Беларусі. Пра гэта заявіў былы дэпутат Палаты прадстаўнікоў Сяргей Гайдукевіч.
Коктыш: Ва ўмовах крызісу гэта можа стаць нейкім выйсьцем
Паводле маскоўскага палітоляга Кірыла Коктыша, для Беларусі стварэньне мытнага саюзу “трох” азначае роўны доступ да расейскага рынку і патэнцыйны доступ да ўнутраных расейскіх коштаў на энэрганосьбіты.
Адчувальныя пытаньні для Беларусі ня вырашаныя
Лідэры Беларусі, Казахстану і Расеі адклалі вырашэньне пытаньняў, якія выклікаюць найвастрэйшыя спрэчкі паміж Менскам і Масквой: пра мыта на нафту і на легкавыя аўтамабілі.
Мытны саюз: эканамічны ці палітычны праект?
Беларусь, Расея і Казахстан стварылі Мытны саюз. Чаму ўдалося сфармаваць новае аб’яднаньне ў кароткія тэрміны? Хто выйграе, а хто прайграе ад стварэньня Мытнага саюзу? Што здабудзе, а што страціць Беларусь? Удзельнікі “Экспэртызы Свабоды” журналістка газэты “Белорусы і рынок” Тацьцяна Манёнак і палітычны аглядальнік Радыё Свабода Віталь Портнікаў.
