Агенцтва БелаПАН піша, што візыт Кубіша ў Беларусь быў прымеркаваны да міжнароднага форуму па электрасувязі пад назвай "Аб'яднаем прасторы СНД", які стартаваў у Менску ў панядзелак.
Падчас свайго візыту Кубіш меў двухбаковую сустрэчу зь міністрам замежных спраў Беларусі Сяргеем Мартынавым, на якой бакі абмеркавалі супрацоўніцтва афіцыйнага Менску з Эўрапейскай эканамічнай камісіяй ААН.
У прыватнасьці былі разгледжаныя пытаньні спрашчэньня гандлёвых працэдураў, разьвіцьцё інавацыйнай эканомікі, супрацоўніцтва ў сфэры транспарту і энэргетык, а таксама іншыя тэмы.
Форум "Аб'яднаем прасторы СНД", які завяршае сваю працу ў пятніцу, зьяўляецца часткай глябальнай ініцыятывы Міжнароднага Зьвязу Электрасувязі (МЗЭ) "Злучым Сьвет". У канфэрэнцыі прынялі ўдзел каля двухсот урадоўцаў і прадстаўнікоў індустрыі, у тым ліку прэзыдэнты пяці краінаў: Беларусі, Казахстану, Таджыкістану, Кыргызстану і Армэніі.
Галоўнымі тэмамі саміту стала абмеркаваньне інтэграцыі электрасувязі на пост-савецкай прасторы і разьвіцьцё ў рэгіёне шырокапалоснага інтэрнэту. Былі абмеркаваныя пытаньні каардынацыі ў разьвіцьці інфраструктуры высокіх тэхналёгіяў у рэгіёне і разгледжаныя найбольш пэрспэктыўныя сфэры электрасувязі для міжнародных інвэстыцыяў.
Міжнародны Зьвяз Сувязі, які быў заснаваны ў 1865 годзе, як Міжнародны Тэлеграфны Зьвяз, на сёньняшні дзень зьяўляецца ведамствам ААН, у рамках якога адбываецца каардынацыя дзейнасьці ўрадаў і бізнэсу ў справе разьвіцьця тэлекамунікацыйных тэхналёгіяў.
Падчас свайго візыту Кубіш меў двухбаковую сустрэчу зь міністрам замежных спраў Беларусі Сяргеем Мартынавым, на якой бакі абмеркавалі супрацоўніцтва афіцыйнага Менску з Эўрапейскай эканамічнай камісіяй ААН.
У прыватнасьці былі разгледжаныя пытаньні спрашчэньня гандлёвых працэдураў, разьвіцьцё інавацыйнай эканомікі, супрацоўніцтва ў сфэры транспарту і энэргетык, а таксама іншыя тэмы.
Форум "Аб'яднаем прасторы СНД", які завяршае сваю працу ў пятніцу, зьяўляецца часткай глябальнай ініцыятывы Міжнароднага Зьвязу Электрасувязі (МЗЭ) "Злучым Сьвет". У канфэрэнцыі прынялі ўдзел каля двухсот урадоўцаў і прадстаўнікоў індустрыі, у тым ліку прэзыдэнты пяці краінаў: Беларусі, Казахстану, Таджыкістану, Кыргызстану і Армэніі.
Галоўнымі тэмамі саміту стала абмеркаваньне інтэграцыі электрасувязі на пост-савецкай прасторы і разьвіцьцё ў рэгіёне шырокапалоснага інтэрнэту. Былі абмеркаваныя пытаньні каардынацыі ў разьвіцьці інфраструктуры высокіх тэхналёгіяў у рэгіёне і разгледжаныя найбольш пэрспэктыўныя сфэры электрасувязі для міжнародных інвэстыцыяў.
Міжнародны Зьвяз Сувязі, які быў заснаваны ў 1865 годзе, як Міжнародны Тэлеграфны Зьвяз, на сёньняшні дзень зьяўляецца ведамствам ААН, у рамках якога адбываецца каардынацыя дзейнасьці ўрадаў і бізнэсу ў справе разьвіцьця тэлекамунікацыйных тэхналёгіяў.
