Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

ПАРАСОНЫ ПАКІНЬЦЕ ДОМА:


Плюс 6-8 градусаў, дажджу не прагназуюць.

НЕ ПРАХОДЗЬЦЕ МІМА:


Пісьменьнік і журналіст Дзьмітрый Плакс будзе чытаць лекцыю “Кніга як арт-аб’ект” і прэзэнтаваць свой новы зборнік "ОМ" у кнігарні менскай галерэі “Ў”, пр. Незалежнасьці, 37а.

Лекцыя “Сьвятадухаўская царква: яе роля ў гісторыі Менску” ў грэка каталіцкім клюбе імя Сьвятога Кірылы Тураўскага па вул.Арджанікідзэ, 6.

ТАМ, ДЗЕ НАС НЯМА:


У Вене – міжнародная сэсія МАГАТЭ, прысьвечаная ядзернай праграме Ірану.

ЁСЬЦЬ НАГОДА:


Міжнародны Дзень “без пакупак”.

ТАКСАМА Ў ГЭТЫ ДЗЕНЬ:


У 1874 годзе ў Моталі на Палесьсі нарадзіўся Хайм Вэйцман, першы прэзыдэнт Ізраілю

У 1920 годзе Першы Слуцкі полк Беларускай Народнай Рэспублікі ўступіў у бой з бальшавікамі.

У 1938 годзе расстраляны ў Менску Сымон Рак-Міхайлоўскі (нар. 1885), адзін з заснавальнікаў БНР.

У 1942 годзе нарадзіўся легендарны гітарыст Джымі Хендрыкс (памёр у 1970 г.).

У 1960 годзе нарадзілася Юлія Цімашэнка, прэм’ер-міністар Украіны.

У 1996 годзе Аляксандра Лукашэнка сваім указам спыніў дзейнасьць Вярхоўнага Савету 13-га скліканьня ў выніку т.зв. рэфэрэндуму.

ЦЫТАТА НА ПАМЯЦЬ:


“Iмя й сiлу беларуса няхай пачуе й бачыць той, хто сьмее нам нясьцi прымусы
і першым выклiча на бой”. (Макар Краўцоў, удзельнік Слуцкага паўстаньня 1920 г.).
XS
SM
MD
LG