Лінкі ўнівэрсальнага доступу

Сёньня ў Гаазе ў Міжнародным прэсавым Цэнтры адбудзецца прэзэнтацыя кнігі Алега Алкаева “Растрэльная каманда”, якая перакладзеная на нідэрляндзкую мову.

У кнізе, якая ўпершыню выдадзена некалькі гадоў таму па-расейску, былы начальнік менскага СІЗА Алег Алкаеў распавядае пра абставіны гвалтоўных зьнікненьняў Юрыя Захаранкі, Віктара Ганчара, Анатоля Красоўскага і Зьміцера Завадзкага, а таксама пра выкананьне сьмяротных прысудаў у Беларусі.

Як паведамілі нашаму радыё арганізатары прэзэнтацыі ў Гаазе, першы экзэмпляр кнігі будзе падараваны дэпутату Эўрапарлямэнту з Галяндыі Гансу ван Балену, які спрыяў выданьню разам з прадстаўнікамі нідэрляндзкай грамадзкасьці і беларускай дыяспарай.

Некалькі тыдняў таму ў Варшаве адбылася прэзэнтацыя польскага выданьня кнігі, у якой ўзялі ўдзел аўтар і былы кандыдат у прэзыдэнты Аляксандар Казулін.

Замовіць кнігу можна тут.
  • 16x9 Image

    Сяргей Навумчык

    Сяргей Навумчык нарадзіўся ў 1961 годзе ў Паставах. Скончыў факультэт журналістыкі БДУ, служыў у войску, працаваў у віцебскай абласной газэце. Быў дэпутатам Вярхоўнага Савета Беларусі і каардынатарам парлямэнцкай апазыцыі БНФ. У 1996 годзе атрымаў палітычны прытулак у ЗША.

Паказаць камэнтары

XS
SM
MD
LG