Лінкі ўнівэрсальнага доступу

Польскія ўзнагароды замежным праваабаронцам не дайшлі ў Беларусь і Расею


Валеры Буйвал

Валеры Буйвал

Вядомы актывіст КХП-БНФ Валер Буйвал не атрымаў ордэн “За заслугі перад Польшчай”, які меўся атрымаць разам зь іншымі дысыдэнтамі з краін былога Савецкага Саюзу.

Уручэньне ордэну павінна было адбыцца на ўрачыстай цырымоніі, якая прайшла ў Варшаве на мінулым тыдні, паведамляюць тыднёвік “Наша ніва”. Прычына, паводле гэтых крыніцаў, палягае ў тым, што згоду на ўзнагароджаньне Валера Буйвала не дало кіраўніцтва краіны, дзе жыве ляўрэат.

У лік узнагароджаных дысыдэнтаў уваходзяць вядомыя асобы з Украіны, Літвы, Эстоніі і Грузіі. Не атрымаў узнагароду таксама праваабаронца з Расеі Аляксандар Падрабінек, на знак пратэсту ён адмовіўся ад ордэну. “Прашу прыняць шчырыя спачуваньні нацыянальнай незалежнасьці і сувэрэнітэту Польшчы, калі ўручэньне польскіх дзяржаўных узнагарод замежным грамадзянам патрабуе згоды дыктатараў і прэзыдэнтаў, якія ў сваіх краінах ня маюць грамадзкай падтрымкі”, — напісаў Аляксандр Падрабінек у адкрытым лісьце да прэзыдэнта Польшчы Леха Качыньскага.

Мастацтвазнаўца Валер Буйвал сытуацыю вакол ордэну “За заслугі перад Польшчай” камэнтаваць адмовіўся, паколькі “падзея яшчэ не адбылася”.

Паказаць камэнтары

XS
SM
MD
LG