Лінкі ўнівэрсальнага доступу

На пасяджэньні аб'яднанай калегіі міністэрстваў юстыцыі Беларусі і Расеі, якая пройдзе ў Менску 26 лістапада, будуць разгледжаны прававыя аспэкты выкарыстаньня афіцыйнай назвы Рэспублікі Беларусь у актах дзяржаўных органаў Расейскай Фэдэрацыі.

Таксама на калегіі разгледзяць пытаньні рэалізацыі рашэньняў Камісіі мытнага зьвязу ЭўрАзЭС на тэрыторыі Беларусі і Расеі, пытаньні ўдасканаленьня заканадаўства ў сфэры карупцыі.

Учора на прэсавай канфэрэнцыі для беларускіх журналістаў Дзьмітры Мядзьведзеў сказаў: "Беларусь, — а я настойваю менавіта на такім вымаўленьні гэтай брацкай дзяржавы, — самастойная сувэрэнная дзяржава з усімі адпаведнымі атрыбутамі. А калі так — усё палітычнае жыцьцё ў гэтай краіне ідзе па сваім сцэнарыі, і мы да гэтага сцэнарыя не маем ніякіх адносін", — заявіў прэзыдэнт Расеі.

Як паведамляе карэспандэнт БелаПАН, рэпліка Мядзведзева адносна правільнага вымаўленьня назвы краіны пасьледавала пасьля таго, як прадстаўнік Белтэлерадыёкампаніі папрасіў называць краіну не Беларусія, а Беларусь.

Паказаць камэнтары

XS
SM
MD
LG