Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

З ПРАЯСЬНЕНЬНЯМІ...


У суботу кароткія дажджы, у нядзелю пераважна без ападкаў. Плюс 5 – 11.

НЕ ПРАХОДЗЬЦЕ МІМА:


21 лістапада: Кватэрнік “Купала/Караткевіч” – Раман Яраш, Андрэй Касьцень, Натальля Пушкарова і Раман Абрамчук выканаюць песьні на вершы Купалы і Караткевіча, а таксама свае ўласныя творы (менская Серабранка, 18.00; тэл. 610 75 23).

Упершыню ў Менску пройдзе Фэстываль рыбы (клюб “Белатра”, вул. Арлоўская, 18).


ТАМ, ДЗЕ НАС НЯМА:


21 лістапада – 13-гадовы Юра Дземідовіч зь песьняю “Волшебный кролик” прадставіць Беларусь на дзіцячым конкурсе “Эўрабачаньне-2009”.

21 лістапада – у галяндзкім Барнэвэльдзе мянчук Дзьмітры Шакута ў баі зь мясцовым спартоўцам Сэмам Бранам бараніцьме тытул чэмпіёна сьвету ў папулярнай вэрсіі тайскага боксу К-1.

22 лістапада – прэзыдэнцкія выбары ў Румыніі. На пасаду кіраўніка дзяржавы прэтэндуюць 12 кандыдатаў.

22 лістапада – у Лос-Анджэлесе пройдзе цырымонія ўручэньня музычнай прэміі “American Music Awards”.

ЁСЬЦЬ НАГОДА:


21 лістапада – Усясьветны дзень тэлебачаньня і Міжнародны дзень вітаньняў.

22 лістапада – Дзень свабоды Ўкраіны.

ТАКСАМА Ў ГЭТЫ ДЗЕНЬ:


21 лістапада 1694 году нарадзіўся францускі мысьляр, пісьменьнік і публіцыст эпохі Асьветніцтва Вальтэр.

22 лістапада ў розныя гады прыйшлі на сьвет украінскі філёзаф Рыгор Скаварада, расейскі лексыкограф дацкага паходжаньня Ўладзімер Даль і генэрал Шарль дэ Голь, якога тройчы абіралі прэзыдэнтам Францыі.


ЦЫТАТА НА ПАМЯЦЬ:


“Трыюмф розуму ў тым і палягае, каб ужывацца зь людзьмі, якія ня маюць яго.” Вальтэр

Паказаць камэнтары

XS
SM
MD
LG