Лінкі ўнівэрсальнага доступу

Сёньня ў Ялце сустрэнуцца кіраўнікі урадаў краінаў СНД. Беларускі бок прапануе прыняць антыкрызісны плян для усіх 11 дзяржаваў СНД.

На разгляд Савета кіраўнікоў урадаў вынесены праекты больш чым дваццаці дакумэнтаў. У прыватнасьці, размова пойдзе аб сумесных мерах дзяржаў СНД па пераадоленьню негатыўных наступстваў сусьветнага фінансавага крызісу, аб Канцэпцыі супрацоўніцтва краін у сфэры энэргетыкі, пра доўгатэрміновае супрацоўніцтва краін Садружнасьці ў інавацыйнай сфэры.

Як паведамляе БелТА, беларускі бок лічыць неабходным прыняць антыкрызісны плян для 11 дзяржаваў СНД. Праект падрыхтаваны ў рамках нарады міністраў фінансаў краінаў СНД і разгледжаны кіраўнікамі дзяржаваў СНД 9 кастрычніка ў Кішынёве.

Праект уключае 11 сумесных захадаў, сярод якіх – пашырэньне выкарыстаньня нацыянальных валют ва ўзаемаразьліках, скасаваньне бар'ераў ва ўзаемным гандлі, каардынацыі намаганьняў па абароне унутраных рынкаў краінаў СНД.

Друхбаковыя перамовы беларускага прэм'ер-міністра Сяргея Сідорскага ў Ялце не плянуюцца
XS
SM
MD
LG