Лінкі ўнівэрсальнага доступу

logo-print

Павел Лансэлот-Валатоўскі



Павел Лансэлот-Валатоўскі


Нарадзіўся ў 1981 у радзільні. Займаюся кампутарнымі і калякампутарнымі справамі ў Мінску. Часам папісваю ў інтэрнэт, часам нешта пачытваю. Прапагандую здаровы лад жыцьця. Ганаровы чалец Беларускай Джэдайскай ложы.

Навошта я пішу блог?

Блог быў створаны для занатоўваньня каштоўных думак, народжаных маёй сьветлай галавой. Часам перачытваю тое, што пісалася, напрыклад, год-два таму, і ня веру, што гэта ўсё маё :) Столькі новага! Таму і іншым раю: занатоўвайце, занатоўвайце! Дзеці вам скажуць “Дзякуй”.

Што больш за ўсё я люблю ў блогах?

Люблю блогі за зручнасьць камунікаваньня.

Што больш за ўсё я не люблю ў блогах?

Хамства і глупства. А яшчэ не люблю, калі не разумеюць гумару. Хаця гэта і ёсьць глупства.

Пяць блогаў, якія я раю наведаць:

http://euga.livejournal.com — камсамолка, спартсмэнка і літаратарка Аксана Пятроўна Бязьлепкіна. Чалавек, які любіць жыць і сьмяяцца зь нягодаў. Аксана Пятроўна ведае кітайскую і не саромеецца размаўляць пра стасункі і сэкс. Шчыра раю наведаць ейны блог.

http://balachon.livejournal.com — аб'ект мрояў беларускамоўных нежанатых паненак Сяргей Балахонаў. Літаратар, аніматар, саліст, рамантык і выкладчык гісторыі з Гомелю. З імпэтам Дон-Кіхота змагаецца зь няшчырасьцю, аголенасьцю і бяззубасьцю беларускай літаратуры. Дарэчы, пасьпяхова.

http://volat.livejournal.com — дыямэнт айчыннага блогінгу, хросны бацька цынізму і праўдзівасьці белЖЖ. Больш нічым ня вылучыўся, аднак нават за гэта варты ўвагі.

http://lionellia.livejournal.com — зорка нябачнага фронту ЖЖ, аматарка аўтамабіляў зь вялікімі рухавікамі Тацьцяна Сяргееўна. Ведае ўсе тонкасьці стылістыкі белмовы і стасункаў з мужчынамі. Жорстка “пракідвае” пікапэраў і лузэраў, займаецца ўсходнімі танцамі і піша пра глыбінныя сакрэты дамскага сэрца.

http://andorac.livejournal.com — журналіст газэты “Наша Ніва” Зьміцер Панкавец. Аматар футболу і жорсткіх формаў этыкету, сэрцаед і вандроўнік, цікавы суразмоўца. Ня паліць, не жанаты.
XS
SM
MD
LG