Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.


ВОБЛАЧНА І ДАЖДЖЛІВА...


...але выгляне і сонейка. Тэмпэратура: +4 — +7.


ТАМ, ДЗЕ НАС НЯМА:


Адмысловы саміт Эўразьвязу ў Брусэлі, прысьвечаны выбарам прэзыдэнта і міністра замежных справаў Эўразьвязу згодна зь Лісабонскай дамовай.

Уладзімір Пуцін і Юлія Цімашэнка абмяркоўваюць цану расейскага газу для Ўкраіны. У Ялце.


ТАКСАМА Ў ГЭТЫ ДЗЕНЬ:


У 1784 у вёсцы Волька на Падляшшы нарадзіўся Міхал Баброўскі, прафэсар Віленскага ўнівэрсытэту і доктар тэалёгіі, заснавальнік беларускага гуртка ў Віленскім унівэрсытэце. Дасьледаваў унікальныя калекцыі славянскіх рукапісаў і старадрукаў, увёў у навуковы ўжытак шматлікія помнікі старога пісьменства. Адзін з пачынальнікаў скарыназнаўства.


ЁСЬЦЬ НАГОДА:


Усясьветны дзень адмовы ад курэньня.

Усясьветны дзень прыбіральні.

Усясьветны дзень філязофіі.


ЦЫТАТЫ НА ПАМЯЦЬ:


"Кінуць курэньне — гэта для мяне самая лёгкая рэч на сьвеце. Я ведаю, што кажу, бо я рабіў яе тысячу разоў" — выказваньне, якое прыпісваюць амэрыканскаму пісьменьніку Марку Твэну.

"Лепш мець дачыненьне з кімсьці, хто цябе падманвае, чым з кімсьці, хто не спалосквае ўнітазу ў туалеце" — амэрыканская акторка Ума Турман.

"Навука гэта тое, што мы ведаем. Філязофія гэта тое, чаго мы ня ведаем"
— брытанскі філёзаф Бэртранд Расэл.

Паказаць камэнтары

XS
SM
MD
LG