Лінкі ўнівэрсальнага доступу

Справаздача ад беларускіх удзельнікаў брусэльскага форуму


Міжнародны кансорцыюм “ЭўраБеларусь” наладзіць 19-га лістапада “круглы стол”, падчас якога будуць падсумаваныя вынікі І Форуму Грамадзянскай супольнасьці ў Брусэлі 16-17 лістапада.

Для ўдзелу ў мерапрыемстве запрошаныя беларускія дэлегаты форуму, экспэрты ў галіне палітыкі і міжнародных адносінаў, прадстаўнікі грамадзянскай супольнасьці, а таксама зацікаўленых дзяржаўных устаноў і грамадзкіх аб’яднаньняў, прадстаўнікі эўраструктураў, што дзейнічаюць на тэрыторыі Беларусі.

Як паведамляецца ў распаўсюджаным сёньня прэс-рэлізе кансорцыюму “ЭўраБеларусь”, Форум грамадзянскай супольнасьці – мэханізм, які мае садзейнічаць разьвіцьцю супрацоўніцтва паміж арганізацыямі грамадзянскай супольнасьці ў краінах, запрошаных да ўдзелу ў праграме Эўразьвязу “Усходняга партнэрства”, аказваць тэхнічную дапамогу праектам гэтай праграмы на двухбаковым і шматбаковым узроўні і прасоўваньню ў краінах-партнэрах прынцыпаў і каштоўнасьцяў Эўрапейскай палітыкі добрасуседзтва.

Форум грамадзянскай супольнасьці 16-17 лістапада ў Брусэлі становіцца бліжэйшай кропкай, дзе вырашаецца пытаньне ня толькі адносна самой грамадзянскай супольнасьці, але і адносна ўсёй ініцыятывы “Усходняга партнэрства”. З тых рашэньняў і дзеяньняў, якія павінны акрэсьліць вобраз “Усходняга партнэрства” на наступны аглядны пэрыяд, арганізацыя Форума грамадзянскай супольнасьці можа мець самастойнае значэньне для разьвіцьця Беларусі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG