Маўляў, пра гэта сьведчыць гатоўнасьць Эўразьвязу да разьвіцьця дамоўна-прававой базы зь Беларусьсю і намер пачаць перамовы аб спрашчэньні візавага рэжыму для беларускіх грамадзянаў.
Паводле МЗС, «беларускі бок пацьвярджае гатоўнасьць да цеснай і арыентаванай на вынік практычнай працы з Эўразьвязам па ўсіх ключавых накірунках. Гэта ж тычыцца і праграмы «Ўсходняе партнэрства».
МЗС Беларусі «з жалем канстатуе, што чарговае «падвешваньне» працэсу комплекснай нармалізацыі двухбаковых стасункаў, абмежавальныя меры, якія Эўразьвяз прымяняе, як і раней, да нашай краіны, разыходзяцца з лёгікай дыялёгу Беларусь – Эўразьвяз, нясуць на сабе адбітак «падвойных стандартаў» і не дазваляюць выйсьці на ўзровень супрацоўніцтва, які ў поўнай ступені адказваў бы інтарэсам абодвух бакоў».
