Лінкі ўнівэрсальнага доступу

Лябедзька: павінна быць хатняе заданьне


Анатоль Лябедзька

Анатоль Лябедзька

Рада Эўразьвязу прыняла рашэньне падоўжыць на год візавыя санкцыі супраць афіцыйнага Менску да кастрычніка 2010 году. Адначасова гэтыя санкцыі замарожаныя на год. Старшыня АГП Анатоль Лябедзька назваў гэтае рашэньне “прагназаваным”.

“Яно, у прынцыпе, было ў той ці іншай ступені абмеркавана з прадстаўнікамі беларускай дэмакратычнай супольнасьці. Па такім рашэньні ў нас быў кансэнсус, калі не на 100, дык на 98%. Бо з аднаго боку, мы канстатуем, няма прагрэсу. Але з другога боку, зачыняць дзьверы ўсё ж было б няправільна. Трэба даць магчымасьць”.

Таксама А.Лябедзька адзначыў, што без “хатняга заданьня” для афіцыйнага Менску гэтае рашэньне было б неэфэктыўным і “праз год мы стаялі б перад вельмі складанай дылемай, што рабіць, якія даваць рэкамэндацыі і прапановы”.

“Хатняе заданьне зразумелае. І ў першую чаргу з правядзеньнем свабодных выбараў. Вось гэта было б эфэктыўным”.
XS
SM
MD
LG