“Міжнародная амністыя” зьвярнулася да ўкраінскіх уладаў з просьбай не выдаваць беларускаму боку Ігара Коктыша.
Крымінальную справу супраць баранавіцкага музыкі і стваральніка гуманітарнай асацыяцыі імя сьвятога Яна Боска распачалі ў студзені 2001 году. Яго абвінавацілі ў забойстве сваяка блізкага сябры.
Лідэр гурту “Млечны шлях” дзесяць месяцаў правёў у баранавіцкім СІЗА.
Ён казаў, што там яго катавалі, пакідаючы голага ў халоднай камэры, не даючы лекаў супраць астмы, і часта зьбівалі. 7 сьнежня 2001 году Берасьцейскі раённы суд прызнаў яго невінаватым. На судзе сьведкі казалі, што на момант забойства Ігар быў у іншым горадзе.
У красавіку 2002 году пракуратура апратэставала рашэньне і вярнула справу на перагляд у Берасьцейскі суд.
Ігар Коктыш у той час ужо знаходзіўся ва Ўкраіне і вырашыў не вяртацца на радзіму, памятаючы баранавіцкі ізалятар.
Ва Ўкраіне яго затрымалі тамтэйшыя міліцыянты і 25 чэрвеня 2007 году зьмясьцілі ў камэру Сімфэропальскага СІЗА да экстрадыцыі ў Беларусь.
Зьміцер Дашкевіч“Ігар Коктыш ня быў сябрам “Маладога фронту”. Мы зь ім незнаёмыя. Натуральна, што цяжка даваць нейкае меркаваньне аб ягонай справе, аб ім самім, -- кажа лідэр “Маладога фронту” Зьміцер Дашкевіч.-- Сам жа ягоны ад’езд сьведчыць аб тым, што ў Беларусі людзі папросту ня вераць у беларускае правасудзьдзе, мажлівасьць абараніць сябе. Ня вераць, што будзе адкрытае і празрыстае расьсьледаваньне фактаў”.
У кастрычніку 2007 году Эўрапейскі суд па правах чалавека забараніў Украіне перадаваць арыштаванага беларускаму боку, а “Міжнародная амністыя” адначасова правяла акцыю тэрміновай дапамогі, зьвярнуўшыся да ўкраінскіх уладаў з патрабаваньнем не дазволіць экстрадыцыю. Украінская хрысьціянская інтэрнэт-супольнасьць стварыла адмысловы сайт у падтрымку Ігара Коктыша.
У 2008 ва Ўпраўленьне Вярхоўнага Камісара ААН у справах уцекачоў зьвяртаўся Аляксандар Мілінкевіч з просьбай паспрыяць Ігару Коктышу ў прадстаўленьні ва Ўкраіне статуса палітычнага ўцекача.
Крымінальную справу супраць баранавіцкага музыкі і стваральніка гуманітарнай асацыяцыі імя сьвятога Яна Боска распачалі ў студзені 2001 году. Яго абвінавацілі ў забойстве сваяка блізкага сябры.
Лідэр гурту “Млечны шлях” дзесяць месяцаў правёў у баранавіцкім СІЗА.
Ён казаў, што там яго катавалі, пакідаючы голага ў халоднай камэры, не даючы лекаў супраць астмы, і часта зьбівалі. 7 сьнежня 2001 году Берасьцейскі раённы суд прызнаў яго невінаватым. На судзе сьведкі казалі, што на момант забойства Ігар быў у іншым горадзе.
У красавіку 2002 году пракуратура апратэставала рашэньне і вярнула справу на перагляд у Берасьцейскі суд.
Ігар Коктыш у той час ужо знаходзіўся ва Ўкраіне і вырашыў не вяртацца на радзіму, памятаючы баранавіцкі ізалятар.
Ва Ўкраіне яго затрымалі тамтэйшыя міліцыянты і 25 чэрвеня 2007 году зьмясьцілі ў камэру Сімфэропальскага СІЗА да экстрадыцыі ў Беларусь.
У кастрычніку 2007 году Эўрапейскі суд па правах чалавека забараніў Украіне перадаваць арыштаванага беларускаму боку, а “Міжнародная амністыя” адначасова правяла акцыю тэрміновай дапамогі, зьвярнуўшыся да ўкраінскіх уладаў з патрабаваньнем не дазволіць экстрадыцыю. Украінская хрысьціянская інтэрнэт-супольнасьць стварыла адмысловы сайт у падтрымку Ігара Коктыша.
У 2008 ва Ўпраўленьне Вярхоўнага Камісара ААН у справах уцекачоў зьвяртаўся Аляксандар Мілінкевіч з просьбай паспрыяць Ігару Коктышу ў прадстаўленьні ва Ўкраіне статуса палітычнага ўцекача.
