Лінкі ўнівэрсальнага доступу

logo-print

Фёдараў: “Словы Лукашэнкі – сыгнал для Брусэлю”


Андрэй Фёдараў

Андрэй Фёдараў

Сёньня на нарадзе па ўдасканальваньню выбарчага заканадаўства Аляксандар Лукашэнка заявіў, што “у нас няма ніякай алергіі, ніякага адмаўленьня тых патрабаваньняў, якія ўносіць Эўрапейскі Зьвяз. Проста нам патрэбна крыху часу. І мы практычна ўсе 12 патрабаваньняў ад Эўропы прымаем – без шкоды для нашай унутранай палітыкі”.


Палітоляг Андрэй Фёдараў лічыць, што гэта выказваньне кіраўніка беларускай дзяржавы непасрэдна зьвязанае з набліжаючымся 16-м лістапада, калі Рада Эўразьвязу будзе прымаць рашэньне наконт санкцыяў супраць беларускіх чыноўнікаў, уключаючы самога Лукашэнку:

“Гэта спроба пераканаць Эўразьвяз у тым, што мы гатовыя да зьменаў. Але толькі не зараз. Дайце нам яшчэ крыху часу.

Будзе гэта ці не? Ніколі не кажы: “ніколі”, зразумела. Але ў дадзены момант у гэта цяжка верыцца. Бо з моманту больш-менш істотных зрухаў ужо прайшоў год. І за гэты час фактычна нічога зроблена не было. Таму ёсьць сумнеў, што за невялікі час, які застаецца, адбудзецца што-небудзь істотнае. І што ўсе 12 патрабаваньняў Эўразьвязу будуць выкананыя”.
XS
SM
MD
LG