Лінкі ўнівэрсальнага доступу

Сустаршыні аргкамітэту дзеля стварэньня партыі Беларуская хрысьціянская дэмакратыя падалі дакумэнты ў Міністэрства юстыцыі на рэгістрацыю.

Цяпер стваральнікі БХД маюць зьвярнуцца ў пракуратуру Беларусі. Яны хочуць высьветліць, хто прымушае ўлады ад імя Мін’юсту выклікаць заснавальніка БХД і патрабаваць адклікаць свой подпіс.

Сустаршыня аргкамітэту Аляксей Шэін паведаміў, што заснавальнікі партыі яшчэ не пасьпелі перадаць дакумэнты ў Мін’юст, як яны ўжо адчулі на сабе ціск з боку уладаў.

Шэін паведаміў, што ўдзельнікаў зьезду выклікалі ва ўстановы выканаўчай улады і патрабавалі адклікаць свой подпіс.

31 кастрычніка адбыўся другі устаноўчы зьезд “Беларускай Хрысьціянскай Дэмакратыі”.

Першы раз Мін’юст не зарэгістраваў БХД на той падставе, што некаторыя ўдзельнікі першага зьезду адклікалі свае подпісы.

Паказаць камэнтары

XS
SM
MD
LG