Лінкі ўнівэрсальнага доступу

У Беларусі завяршылася амністыя 2009 году, паведамілі агенцыі Інтэрфакс-Захад у Дэпартамэнце выкананьня пакараньняў МУС. Паводле міліцыянтаў, на волю у выніку амністыі выйшла каля 2 тысяч чалавек. Гэта тыя, хто кампэнсаваў страты, нанесеныя ў выніку злачынства. Яшчэ болей за 3 тысячы атрымалі зьніжэньне тэрміну пакараньня.

Амністыі ў Беларусі праводзяцца рэгулярна. У 2008 годзе пад амністыю патрапілі ў асноўным вінаватыя ў эканамічных злачынствах, якія выплацілі грашовую кампэнсацыю, прызначаную судом.

“Калі б не гэтыя амністыі, ў турмах не было б месцаў для новых і новых вязьняў”, -- мяркуе лідэр прадпрымальніцкага руху Валер Леванеўскі, які адбыў болей за два гады зьняволеньня з беларускіх калёніях і быў прызнаны арганізацыяй “Міжнародная амністы” вязьнем сумленьня.

Усяго, паводле афіцыйных дадзеных, у Беларусі на 1 студзеня 2009 году ў калёніях і месцах пазбаўленьян волі знаходзіліся 36, 7 тысяч чалавек.. У Нацыянальным сходзе Беларусі не выключаюць, што ў 2010 годзе будзе абвешчаная чарговая амністыя.
XS
SM
MD
LG