Пацяплее:
7 лістапада дажджы, +7, у нядзелю дажджоў менш, а градусаў больш: +13
Каму сьвята, каму кроў і сьлёзы
“Агульнарэспубліканскі, сьвяточны і непрацоўны” – так паводле прэзыдэнцкага ўказу 1995 году дзень бальшавіцкага перавароту 1917 году быў вернуты у лік афіцыйных сьвятаў Беларусі. Колькасьць ахвяраў савецкага камунізму ацэньваюць на 60 мільёнаў чалавек. Мясцовыя камуністы пойдуць ускладаць кветкі да помнікаў Леніну, беларуская моладзь рыхтуе свае падарункі.
Не праходзьце міма:
8 лістапада КХП-БНФ правядзе шэсьце і мітынг у Лошыцкім яры, дзе ў часе сталінскіх рэпрэсій праводзіліся масавыя расстрэлы. 11:30, ДК Камвольнага камбінату
8 лістапада – напярэдадні падзеньня Бэрлінскага мура: сьвяткаваньне 20 гадоў зьнікненьня «Жалезнай заслоны». У праграме: дыскусія са сьведкамі падзеяў, прэзэнтацыя вынікаў творчага конкурсу «Сямейны альбом. 1989—2009», паказ фільму «Царква Сьв.Мікалая». Імпрэза па-нямецку. 17:00, Goethe-Institut (вул.Харужай, 25/3, 4 паверх).
Ёсьць нагода:
7 лістапада 1790 году нарадзіўся беларускі архітэктар Караль Падчашынскі, які збудаваў палац-рэзыдэнцыю ўсіх віленскіх кіраўнікоў – ад Напалеона і графа Мураўёва да сёньняшняга прэзыдэнта Літвы.
8 лістапада 1883 году нарадзіўся мовазнаўца, гісторык і палітык, старшыня ўраду БНР Вацлаў Ластоўскі.
Там, дзе нас няма:
7 лістапада – Усенароднае сьвята віна ў Армэніі.
Цытата на памяць:
Вар'яцтвам рэвалюцыі было жаданьне ўсталяваць дабро на зямлі. Калі хочуць зрабіць людзей добрымі, мудрымі, свабоднымі, высакароднымі, то непазьбежна прыходзяць да жаданьня перабіць іх усіх. Анатоль Франс
