Лінкі ўнівэрсальнага доступу

689 тысяч беларускіх рублёў – столькі складае сярэдні заробак супрацоўніка сфэры адукацыі сёлета. Гэткую лічбу назваў намесьнік міністра адукацыі Казімір Фарыно, выступаючы ў Палаце прадстаўнікоў.

Ён сказаў, што міністэрства цяпер працуе над падвышэньнем заробкаў. Але калі канкрэтна і наколькі падвысяць заробкі, сп. Фарына не паведаміў.

Між тым, дэпутатка Ларыса Кузьняцова сказала, што па ўзроўні заробкаў адукацыйная галіна знаходзіцца толькі на пятым месцы ў сацыяльнай сфэры. Кузьняцова прывяла наступныя лічбы: калі ў чэрвені сярэдні заробак у галіне адукацыі складаў 680 тысяч бел. руб, то ў сфэры турызму 1 млн.230 тысяч.

Старшыня парлямэнцкай камісіі ў адукацыі Ўладзімер Здановіч зьвярнуў увагу на тое, што моцна старэюць пэдагагічныя кадры. Прынамсі, аж 80% дактароў навук, якія працуюць цяпер у ВНУ Беларусі, перасягнулі 60-гадовы рубеж.

Паказаць камэнтары

XS
SM
MD
LG