Лінкі ўнівэрсальнага доступу

Дактары і Міністэрства аховы здароўя ўхіляюцца ад камэнтароў наконт таго, што азначае ўспышка пнэўманіяў у Беларусі.

Крыніца ў адным са шпіталёў Менску, якая прасіла не называць яе імя, распавяла Радыё Свабода:

“За выходныя дні 150 чалавек з пнэўманіяй у наш шпіталь паступіла. Наша аддзяленьне і дзьве пульманалёгіі цалкам забітыя. Гэта ўскладненьні грыпу. А ў хворых, якія памерлі, пацьвердзіўся сьвіны грып, нам так абвясьцілі”.

Карэспандэнтка: “А шмат памерла?”

“Чалавек дзевяць. У нас памерла тры альбо чатыры. А астатнія — у пятым шпіталі. Там жа
З усіх мэдработнікаў узялі падпіску аб неразгалошваньні.
усе падпісаліся”.

Мы спрабавалі праверыць гэтую інфармацыю ў прыёмным пакоі шпіталя. На пытаньне, ці праўда, што за выходныя ў шпіталь паступіла каля 150 хворых з дыягназам “пнэўманія”, супрацоўніца адказала:

“Праўда. Шмат паступіла. Але я не на такой пасадзе, каб адказваць на такія пытаньні”.

І паабяцала злучыць з галоўным лекарам шпіталя. Цягам дня ён слухаўку так і ня ўзяў, а 16-й гадзіне ў яго скончыўся працоўны дзень. Лекарка-тэрапэўт, якая заступіла на дзяжурства ад 16-й гадзіны, сказала, што пакуль не валодае сытуацыяй, і параіла зьвязацца ў аўторак з галоўным лекарам.

Супрацоўніца прэсавай службы Міністэрства аховы здароўя Раіса Чудук паведаміла Радыё Свабода:

“Вы можаце зьвярнуцца да нас зь пісьмовым запытам, такіх дадзеных у мяне пакуль няма”.

Карэспандэнтка: “Што два аддзяленьні пульманалёгіі і нават рэўматалёгія запоўненая хворымі...”

“Я таксама адсочваю навіны, а нешта падобнае дзесьці бачыла. Да нас у прэс-службу дадзеных такога кшталту яшчэ не паступала. Я думаю, што мы падрыхтуем прэс-рэліз, вывесім яго на сайце, бо запытаў вельмі шмат”.
Маскамі не забясьпечваюць. Лекаў не хапае

Карэспандэнтка: “А як хутка?”

“Я спадзяюся, што сёньня цягам дня”.

Мэдык, якая працуе ў шпіталі, распавяла і пра іншыя праблемы, зь якімі сутыкаюцца лекары:

“Нас маскамі не забясьпечваюць. Лекаў не хапае”.

Карэспандэнтка: “А чым вы лечыце?”

“У нас ідзе ўжо ўскладненая пнэўманія, таму выкарыстоўваем антыбіётыкі: цэптрыаксон, цэптрафасфат (цэфаласпарыннага шэрагу, гэта ўсё беларускія прэпараты). А імпартныя прэпараты вельмі дорага каштуюць, іх няма. Хворым два разы на суткі даем вельмі вялікія дозы антыбіётыкаў”.

У аптэках сталіцы няма масак і назіраюцца перабоі зь недарагімі супрацьвіруснымі сродкамі беларускай вытворчасьці, кшталту арпітолу.

Паказаць камэнтары

XS
SM
MD
LG