Узначаліў рэдакцыю вядомы журналіст расейскай Свабоды Андрэй Бабіцкі. Агульнае кіраўніцтва праекту ўскладзена на дырэктара грузінскай службы нашага радыё Давіда Какабадзэ. Мы папрасілі яго адказаць на некалькі пытаньняў і ў першую чаргу, пра тое, ці зьвязанае зьяўленьне гэтага радыё з расейска-грузінскай вайной і яе наступствамі?
Какабадзэ: Гэтае пытаньне мне часта задаюць, і ўсе думаюць, што гэта менавіта вынік вайны – пачатак гэтага вяшчаньня. Хаця гэта зусім ня так: ідэя стварэньня такой праграмы зьявілася гады два таму, і абмяркоўвалася ўжо на афіцыйным узроўні з прадстаўнікамі Вашынгтону. Але, на жаль, паміж ідэяй і яе зьдзяйсьненьнем была вайна. Я думаю, яна ніяк не паскорыла гэтае рашэньне: факт, што больш як праз год пасьля пачатку вайны мы выходзім у эфір. Гэта будзе вечаровая гадзінная праграма, якая падсумоўвае дзень. Там будуць навіны, шмат аналітычных матэрыялаў, інтэрвію, круглых сталоў.
Хачу зазначыць, што ў Абхазіі і Паўднёвай Асэтыі насельніцтву проста наканавана слухаць расейскую прапаганду, бо нічога іншага там практычна няма. Інфармацыі там недастаткова, і мне здаецца, місія заключаецца ў тым, каб інфармаваць людзей: гэта традыцыйная місія нашага радыё, і нічога новага ў ёй няма.
Ідэя мовы таксама вельмі доўга абмяркоўвалася, мы стаялі перад пытаньнем: вяшчаць на мовах мясцовага насельніцтва – абхаскай і асэтынскай – альбо на расейскай, якая аб'ядноўвае два гэтыя рэгіёны. У выніку мы спыніліся на другім варыянце, бо гэта дасьць нам магчымасьць рабіць адну праграму.
Праграма будзе выходзіць на частотак 9525 і 9780 кілягэрцаў. Праграма будзе мець свой сайт.
Какабадзэ: Гэтае пытаньне мне часта задаюць, і ўсе думаюць, што гэта менавіта вынік вайны – пачатак гэтага вяшчаньня. Хаця гэта зусім ня так: ідэя стварэньня такой праграмы зьявілася гады два таму, і абмяркоўвалася ўжо на афіцыйным узроўні з прадстаўнікамі Вашынгтону. Але, на жаль, паміж ідэяй і яе зьдзяйсьненьнем была вайна. Я думаю, яна ніяк не паскорыла гэтае рашэньне: факт, што больш як праз год пасьля пачатку вайны мы выходзім у эфір. Гэта будзе вечаровая гадзінная праграма, якая падсумоўвае дзень. Там будуць навіны, шмат аналітычных матэрыялаў, інтэрвію, круглых сталоў.
Хачу зазначыць, што ў Абхазіі і Паўднёвай Асэтыі насельніцтву проста наканавана слухаць расейскую прапаганду, бо нічога іншага там практычна няма. Інфармацыі там недастаткова, і мне здаецца, місія заключаецца ў тым, каб інфармаваць людзей: гэта традыцыйная місія нашага радыё, і нічога новага ў ёй няма.
Ідэя мовы таксама вельмі доўга абмяркоўвалася, мы стаялі перад пытаньнем: вяшчаць на мовах мясцовага насельніцтва – абхаскай і асэтынскай – альбо на расейскай, якая аб'ядноўвае два гэтыя рэгіёны. У выніку мы спыніліся на другім варыянце, бо гэта дасьць нам магчымасьць рабіць адну праграму.
Праграма будзе выходзіць на частотак 9525 і 9780 кілягэрцаў. Праграма будзе мець свой сайт.
