Лінкі ўнівэрсальнага доступу

Рух «За Свабоду» прапануе падпісаць пагадненьне аб стварэньні Нацыянальна-дэмакратычнай кааліцыі 26 альбо 27 кастрычніка.Пра гэта сёньня паведаміла прэсавая служба Руху.

Паводле намесьніка старшыні Руху Віктара Карняенкі, кааліцыя будзе аб’ядноўваць арганізацыі, якія пагаджаюцца трымацца трох прынцыпаў: незалежнасьць Беларусі, дэмакратыя і эўрапейская будучыня.

Мяркуецца, што ў складзе кааліцыі будуць Рух «За Свабоду», Партыя БНФ, Беларуская хрысьціянская дэмакратыя, «Малады фронт», «Правы альянс», Партыя Свабоды і Прагрэсу, «Маладая Беларусь», МХСС «Маладыя дэмакраты».

Прапанавана таксама правесьці перамовы з патэнцыйнымі партнэрамі КХП БНФ, БСДГ, АГП, рух «Разам». Па словах Віктара Карняенкі, кааліцыя пакуль што адкрытая для далучэньня ўсіх суб’ектаў, якія падзяляюць яе базавыя каштоўнасьці.


Паказаць камэнтары

XS
SM
MD
LG