Лінкі ўнівэрсальнага доступу

logo-print

Палітык патрабуе прыцягнуць да адказнасьці ілжэсьведкаў


Уладзімер Кацора

Уладзімер Кацора

Сёньня старшыня Гомельскага аддзяленьня “Руху “За Свабоду” Ўладзімер Кацора зьвярнуўся ў абласную пракуратуру з патрабаваньнем распачаць крымінальную справу супраць супрацоўнікаў міліцыі, якія ілжэсьведчаць у рапартах па факту яго затрыманьня 16 верасьня. На падставе ілжывых рапартаў распачата адміністрацыйная справа супраць яго самога й шэрагу іншых гомельскіх грамадзкіх актывістаў. Сямёра зь іх напярэдадні аштрафавалі на 20-40 базавых велічыняў.

Палітык накіраваў таксама заяву на імя старшыні суду Чыгуначнага раёну Гомеля з адмовай удзельнічаць у судовым разглядзе сваёй адміністрацыйнай справы. Позву ў суд на 13 кастрычніка Ўладзімер Кацора атрымаў толькі сёньня на пошце заказным пісьмом.

“Суд, — піша ў лісьце на імя старшыні суду спадар Кацора, — не шукае ісьціну: адхіляе хадайніцтвы пра далучэньне да справы матэрыялаў апэратыўнага міліцэйскага відэазапісу, ігнаруе відавочныя й бясспрэчныя фотаздымкі й сьведчаньні з нашага боку пра тое, што ніхто з фігурантаў адміністрацыйнага працэсу не ўчыняў прыпісаных ім правапарушэньняў”.

Заўтра ў Чыгуначным судзе Гомеля будзе разглядацца адміністрацыйная справа супраць кіраўніка рэгіянальнай арганізацыі ПКБ Уладзімера Сякеркі.

Паказаць камэнтары

XS
SM
MD
LG