Аўтар законапраекту аб санкцыях, сэнатар ад Дэмакратычнай партыі Крыстафэр Дод паведаміў што пастанова павінна даць магчымасьць адміністрацыі прэзыдэнта ЗША Барака Абамы ўжыць “жорсткія і мэтанакіраваныя санкцыі” ў выпадку калі Тэгеран не разьвее падазраньні ў распрацоўцы ядзернай зброі. У прыватнасьці, мяркуецца ўвесьці новыя гандлёвыя абмежаваньні, штрафы для карпарацыяў якія прадаюць краіне нафтапрадукты і абмежаваць фінансавыя апэрацыі для суб'ектаў Ісламскай рэспублікі.
У мінулы чацьвер, прадстаўнікі Злучаных Штатаў, Кітаю, Расеі, Вялікай Брытаніі, Францыі і Нямеччыны правялі перамовы з Іранам аб яго ядзернай праграме. Напярэдадні перамоваў упершыню стала вядома пра існаваньне ў краіне другога заводу па ўзбагачэньню ўрану, непадалёку ад гораду Ком. Міжнародная супольнасьць абвінаваціла Тэгеран ва ўкрывальніцтве сваіх ядзерных распрацовак на гэтым аб'екце.
Упершыню, аб магчымасьці новых санкцыяў супраць Ірану выказалася і Расея. Па выніках перамоваў у Жэневе, Тэгеран пагадзіўся дапусьціць на новавыяўлены завод у Коме інсьпектараў Міжнароднай Арганізацыі па Атамнай Энэргетыцы (МАГАТЭ). Іранскія прадстаўнікі таксама паабяцалі перадаць працэс абагачэньня ядзернага паліва для свайго тэгеранскага заводу Расеі.
Міністар замежных спраў Расеі Сяргей Лаўроў падцьвердзіў у панядзелак існаваньне папярэдняй дамоўленасьці, але зазначыў, што канчатковых рашэньняў прынята не было.
Новы раўнд перамоваў шасьцёркі краінаў з Іранам прызначаны на 19-га кастрычніка. У нядзелю ў Тэгеране пабываў ачольнік МАГАТЭ Махамад Эль Барадэй. Па выніку яго дамоўленасьці з іранскімі ўладамі, міжнародныя інсьпектары змогуць агледзець новавыяўлены ядзерны завод 25-га кастрычніка.
У мінулы чацьвер, прадстаўнікі Злучаных Штатаў, Кітаю, Расеі, Вялікай Брытаніі, Францыі і Нямеччыны правялі перамовы з Іранам аб яго ядзернай праграме. Напярэдадні перамоваў упершыню стала вядома пра існаваньне ў краіне другога заводу па ўзбагачэньню ўрану, непадалёку ад гораду Ком. Міжнародная супольнасьць абвінаваціла Тэгеран ва ўкрывальніцтве сваіх ядзерных распрацовак на гэтым аб'екце.
Упершыню, аб магчымасьці новых санкцыяў супраць Ірану выказалася і Расея. Па выніках перамоваў у Жэневе, Тэгеран пагадзіўся дапусьціць на новавыяўлены завод у Коме інсьпектараў Міжнароднай Арганізацыі па Атамнай Энэргетыцы (МАГАТЭ). Іранскія прадстаўнікі таксама паабяцалі перадаць працэс абагачэньня ядзернага паліва для свайго тэгеранскага заводу Расеі.
Міністар замежных спраў Расеі Сяргей Лаўроў падцьвердзіў у панядзелак існаваньне папярэдняй дамоўленасьці, але зазначыў, што канчатковых рашэньняў прынята не было.
Новы раўнд перамоваў шасьцёркі краінаў з Іранам прызначаны на 19-га кастрычніка. У нядзелю ў Тэгеране пабываў ачольнік МАГАТЭ Махамад Эль Барадэй. Па выніку яго дамоўленасьці з іранскімі ўладамі, міжнародныя інсьпектары змогуць агледзець новавыяўлены ядзерны завод 25-га кастрычніка.