“Валадар сяла” — гэта “сямейны сельскагаспадарчы праект”, як прэзэнтуе БРСМ. На Віцебшчыне адбыўся заключны абласны конкурс, у якім узялі ўдзел 9 сямейных каманд з розных рэгіёнаў вобласьці.
Спаборніцтва сем’яў складалася з пяці этапаў. Першыя тры былі спартова-гаспадарчага накірунку. Мужчыны дэманстравалі, як яны ўмеюць насіць ваду на каромыслах, секчы дровы ды забіваць цьвікі.
Сапраўдную весялосьць у гледачоў выклікаў конкурс з удзелам парсючкоў: узяўшы іх хто як зможа, трэба было прабегчы некалькі дзясяткаў мэтраў.
“Жаночая” эстафэта ўключала ў сябе бег зь відэльцамі, яйкамі на патэльні ды перабіраньне фасолі і бабоў.
Завяршылася спаборніцтва “сямейным забегам”: усім удзельнікам разам зь дзецьмі было прапанавана перакочваць кавуны, цягаць ваду бітонамі і бульбу мяхамі.
Урэшце 9 сем’яў-удзельніц дэманстравалі свае таленты. Хтосьці спрабаваў уразіць журы кулінарнымі вырабамі, хтосьці — бальнымі танцамі, хтосьці — майстэрствам вышыўкі .
Пакуль журы раілася, як разьмеркаваць месцы, удзельнікі конкурсу распавядалі падрабязнасьці пра яго арганізацыю. Адным у райкаме БРСМ не патлумачылі ўмовы, і яны аказаліся не падрыхтаваныя да спартовых спаборніцтваў — маладым жанчынам давялося бегаць у ботах на абцасах. Другім прыйшлося ехаць на афіцыйнае мерапрыемства за ўласны кошт: найлепшым сямейным камандам раёну, якія прайшлі мясцовы адборачны этап, ніхто не выдаткаваў грошы на паліва. Трэція шкадавалі, што прыехалі ўвогуле: у вобласьці 21 раён, а ўзяць удзел у конкурсе сагітавалі толькі дзесяць сем’яў. І тое адна — з Глыбоччыны — не прыехала, бо ўзрост тамтэйшых пераможцаў мясцовага этапу не адпавядаў умовам рэспубліканскага конкурсу — удзельнікам мусіла быць ня больш за 35 гадоў.
Між тым менавіта ў Глыбоцкім раёне некалькі гадоў таму нарадзілася ідэя конкурсу “Валадар сяла”. Конкурс ладзілі мясцовая арганізацыя БРСМ і грамадзкі сямейны клюб “Выспа паразуменьня”. Ён быў вельмі папулярны ў рэгіёне. А глядзець спаборніцтвы ў Копцях сабралася ўсяго некалькі дзясяткаў мясцовых жыхароў.
Галоўны прыз — парсючок францускай пароды — дастаўся сям’і Лабуцяў з Шаркоўшчынскага раёну. Мажліва, яму пашэнціла: дзякуючы конкурсу, знайшоў добрых гаспадароў. Але БРСМ тут амаль ні пры чым — галоўны прыз гадаваўся на мясцовай фэрме.
Спаборніцтва сем’яў складалася з пяці этапаў. Першыя тры былі спартова-гаспадарчага накірунку. Мужчыны дэманстравалі, як яны ўмеюць насіць ваду на каромыслах, секчы дровы ды забіваць цьвікі.
Сапраўдную весялосьць у гледачоў выклікаў конкурс з удзелам парсючкоў: узяўшы іх хто як зможа, трэба было прабегчы некалькі дзясяткаў мэтраў.
Зрэшты, некаторыя гледачы прыйшлі “ужо вясёлыя” — адзначыўшы Дзень вёскі, да якога быў адмыслова прымеркаваны конкурс/
“Жаночая” эстафэта ўключала ў сябе бег зь відэльцамі, яйкамі на патэльні ды перабіраньне фасолі і бабоў.
Завяршылася спаборніцтва “сямейным забегам”: усім удзельнікам разам зь дзецьмі было прапанавана перакочваць кавуны, цягаць ваду бітонамі і бульбу мяхамі.
Урэшце 9 сем’яў-удзельніц дэманстравалі свае таленты. Хтосьці спрабаваў уразіць журы кулінарнымі вырабамі, хтосьці — бальнымі танцамі, хтосьці — майстэрствам вышыўкі .
Алена Серада з Аршаншчыны прывезла на конкурс свае вышыванкі. І майку з сымболікай БРСМ апрануць прынцыпова адмовіліся: сказала, што выйдзе на сцэну толькі ў народным строі.
Пакуль журы раілася, як разьмеркаваць месцы, удзельнікі конкурсу распавядалі падрабязнасьці пра яго арганізацыю. Адным у райкаме БРСМ не патлумачылі ўмовы, і яны аказаліся не падрыхтаваныя да спартовых спаборніцтваў — маладым жанчынам давялося бегаць у ботах на абцасах. Другім прыйшлося ехаць на афіцыйнае мерапрыемства за ўласны кошт: найлепшым сямейным камандам раёну, якія прайшлі мясцовы адборачны этап, ніхто не выдаткаваў грошы на паліва. Трэція шкадавалі, што прыехалі ўвогуле: у вобласьці 21 раён, а ўзяць удзел у конкурсе сагітавалі толькі дзесяць сем’яў. І тое адна — з Глыбоччыны — не прыехала, бо ўзрост тамтэйшых пераможцаў мясцовага этапу не адпавядаў умовам рэспубліканскага конкурсу — удзельнікам мусіла быць ня больш за 35 гадоў.
Між тым менавіта ў Глыбоцкім раёне некалькі гадоў таму нарадзілася ідэя конкурсу “Валадар сяла”. Конкурс ладзілі мясцовая арганізацыя БРСМ і грамадзкі сямейны клюб “Выспа паразуменьня”. Ён быў вельмі папулярны ў рэгіёне. А глядзець спаборніцтвы ў Копцях сабралася ўсяго некалькі дзясяткаў мясцовых жыхароў.
Галоўны прыз — парсючок францускай пароды — дастаўся сям’і Лабуцяў з Шаркоўшчынскага раёну. Мажліва, яму пашэнціла: дзякуючы конкурсу, знайшоў добрых гаспадароў. Але БРСМ тут амаль ні пры чым — галоўны прыз гадаваўся на мясцовай фэрме.