Шэраг карыстальнікаў страцілі доступ да замежных сайтаў і большасьці беларускіх. Правайдэры спасылаліся на дзяржаўную кампанію “Белтэлекам”, якая манапольна забясьпечвае інтэрнэт-сувязь. Да прыкладу, у тэхнічнай службе правайдара Solo паведамілі, што “Белтэлекам” нібыта пашырае свой канал, таму ідуць збоі. Не было доступу да эўрапейскіх і часткі расейскіх сайтаў. У “Атлант-тэлекаме” сказалі:
“Былі праблемы з боку “Белпак”. Гэта арганізацыя, у якой мы арандуем канал. Што канкрэтна ў іх адбылося мы ня ў курсе”.
Прэсавы сакратар “Белтэлекама” Аляксей Федарэнчык патлумачыў, што адбыўся збой у праграмна-апаратным комплексе, з маршрутызатарам, таму спатрэбілася яго перазагрузка:
“Гадзіна без інтэрнэту — гэта, вядома, вельмі цікавая штука. І вельмі непрыемна.Але зь іншага боку, гэтая маленькая праблема паказала тое, што ў Беларусі няма свайго нацыянальнага беларускага кантэнту. І праблему адчулі карыстальнікі, бо яны зьвярталіся за кантэнтам у замежныя краіны, у прыватнасьці ў Расею. То бок увесь мэдыя-кантэнт і цяжкі кантэнт ляжыць у Расеі. А значыць, 90% трафіку прыходзіць адтуль. Калі б суадносіны былі крыху іншыя, то, я думаю, што крыху іншыя былі б наступствы”.
Паводле спадара Федарэнчыка, карыстальнікі “Белтэлекама” мелі доступ да інтэрнэту. Але гэта ніякая не прывілея, проста яны падключаныя па іншай схеме. Не адчулі гэтага збою, да прыкладу, у дзяржаўных структурах. Аднак ад іншых карыстальнікаў паступалі скаргі:
Федарэнчык: “Мне асабіста тэлефанавалі і дагэтуль тэлефоны не змаўкаюць. Я гэту праблему разумею і думаю, што наўрад ці каму хацелася б апынуцца бяз сувязі пэўны час”.
Паводле тэхнічнага дырэктара парталу Tut.by Дзяніса Адвалкі, падобнай сытуацыі можна пазьбегнуць у будучыні, але ў тым выпадку, калі манапаліст “Белтэлекам” дасьць больш свабоды для прыватных правайдэраў:
“У гэтым выпадку ў правайдэраў былі б каналы ня толькі празь “Белтэлекам”, а і празь нейкія альтэрнатыўныя. І яны змаглі б маршрутаваць увесь трафік праз рэзэрвовыя каналы. У гэтым выпадку рэзэрвовых каналаў няма, адпаведна, сам правайдэр нічога зрабіць ня мог. Заставалася толькі чакаць і спадзявацца на лепшае”.
“Былі праблемы з боку “Белпак”. Гэта арганізацыя, у якой мы арандуем канал. Што канкрэтна ў іх адбылося мы ня ў курсе”.
Прэсавы сакратар “Белтэлекама” Аляксей Федарэнчык патлумачыў, што адбыўся збой у праграмна-апаратным комплексе, з маршрутызатарам, таму спатрэбілася яго перазагрузка:
“Гадзіна без інтэрнэту — гэта, вядома, вельмі цікавая штука. І вельмі непрыемна.
гэтая маленькая праблема паказала тое, што ў Беларусі няма свайго нацыянальнага беларускага кантэнту.
Паводле спадара Федарэнчыка, карыстальнікі “Белтэлекама” мелі доступ да інтэрнэту. Але гэта ніякая не прывілея, проста яны падключаныя па іншай схеме. Не адчулі гэтага збою, да прыкладу, у дзяржаўных структурах. Аднак ад іншых карыстальнікаў паступалі скаргі:
Федарэнчык: “Мне асабіста тэлефанавалі і дагэтуль тэлефоны не змаўкаюць. Я гэту праблему разумею і думаю, што наўрад ці каму хацелася б апынуцца бяз сувязі пэўны час”.
Паводле тэхнічнага дырэктара парталу Tut.by Дзяніса Адвалкі, падобнай сытуацыі можна пазьбегнуць у будучыні, але ў тым выпадку, калі манапаліст “Белтэлекам” дасьць больш свабоды для прыватных правайдэраў:
“У гэтым выпадку ў правайдэраў былі б каналы ня толькі празь “Белтэлекам”, а і празь нейкія альтэрнатыўныя. І яны змаглі б маршрутаваць увесь трафік праз рэзэрвовыя каналы. У гэтым выпадку рэзэрвовых каналаў няма, адпаведна, сам правайдэр нічога зрабіць ня мог. Заставалася толькі чакаць і спадзявацца на лепшае”.
