Лінкі ўнівэрсальнага доступу

"Сёньня з раніцы галоўная вуліца Савецкая ў Баранавічах ачэпленая міліцыянтамі, а побач з цэнтрам і салдатамі. Некаторыя знаёмыя ня могуць патрапіць на працу, калі іх прадпрыемства знаходзіцца ў межах праезду прэзыдэнтаў.

У вёсцы Анісімавічы, якая месьціцца на выезьдзе з гораду на трасу Берасьце-Масква міліцыянты нікога ня выпускаюць, жыхарам параілі ня куды зь вёскі ня выходзіць.

Рух у горадзе паралізаваны, бо Савецкая разьдзяляе Баранавічы на палову – з поўначы на поўдзень. Шмат якіх прадуктовых машынаў ня могуць патрапіць у цэнтральныя крамы з прадуктамі.
“прагульваюцца” толькі “заканспіраваныя цывілы” ў чорным з парасонамі ...

Міліцыянты з ачапленьня здалі табельную зброю, зрэшты ў паляўнічых гораду яе пазабіралі яшчэ на мінулым тыдні. Знаёмыя міліцыянты кажуць, што цэнтар гораду зранку пустэльны, “прагульваюцца” толькі “заканспіраваныя цывілы” ў чорным з парасонамі.

Машыны з надпісам “Охрана президента ” і расейскімі нумарамі зьявіліся ў горадзе яшчэ на пачатку мінулага тыдня. Некалькі дзён на вуліцы і праспэкце Савецкім адбываліся вучэньні міліцыі й расейскіх спэцслужбаў па суправаджэньні картэжу. Шмат хто (асабіста бачыў) з кіроўцаў паплаціліся падчас тых вучэньняў, бо не саступалі мігалцы дарогу...
ахове Мядзьведзева не спадабаўся стары брук 30-х гадоў ...

Па чутках з выканкаму ахове Мядзьведзева не спадабаўся стары брук 30-х гадоў на той самай вуліцы Савецкай. Расейцы патрабавалі яго заасвальтаваць, бо браніраваным машынам, якія загадзя прывезьлі ў Баранавічы будзе нязручна ехаць. Мэр гораду адмовіўся выконваць тое. Таму ў апошні момант прывезьлі іншыя браніраваныя аўто, які мусіць з выгодамі правезьці Мядзьведзева па старой частцы дарогі."

Так выглядае горад Баранавічы напярэданьні прыезду прэзыдэнта Расеі Дзьмітрыя Мядзьведзева вачыма простага жыхара, які падзяліўся са Свабодай сваімі ўражаньнямі.

Паказаць камэнтары

XS
SM
MD
LG