Адным зь першых выказаў абурэньне тым, што школьнікаў прымушаюць хадзіць на праваслаўны факультатыў, пратэстанцкі сьвятар з Наваградку Уладзімер Качагур. Сам ён даведаўся пра гэта ад дачкі, якая вучыцца ў 7 клясе. Як старшыня бацькоўскага камітэта клясы, Уладзімер Качагур пайшоў у школу, каб высьветліць сытуацыю.
Яго вельмі зьдзівіла, што на занятках гэтага факультатыву прысутнічалі тыя дзеці, чые бацькі не пісалі заявы, як гэта прынята ў школе.
“Я зайшоў у клясу і сказаў дзецям, што ваша настаўніца вам ілжэ. І не таму, што праваслаўе — гэта дрэнна, а таму, што яна сказала вам, што гэты ўрок абавязковы, як матэматыка і геаграфія, і яна не паведаміла вашым бацькам, што вы будзеце наведваць гэты факультатыў”.
Амаль палова дзяцей з клясы, зь яго слоў, паднялі руку, што не хацелі б наведваць факультатыў. Калі прыйшла дырэктарка, то большасьць рукі апусьцілі, акрамя адной дзяўчынкі.
Са слоў маці тае дзяўчынкі, Тацяны Бялецкай, дырэктарка пасьля гэтага некарэктна паразмаўляла зь яе дачкой, і тая прыйшла дахаты заплаканай. Сёньня Тацяна Бялецкая хадзіла ў школу, каб разабрацца, але дырэктаркі не засьпела.
Сама спадарыня Бялецкая — праваслаўная. Вось што яна кажа пра гэтую справу:
“Я лічу, што дзіця яшчэ замалое, каб выбіраць такія рэчы. Хаця я ня супраць, каб яна гэта вывучала, але навошта прымушаць, груба ставіцца да дзяцей? У нас жа школа — наш твар, там павінны вучыць усяму добраму”.
Дырэктарка школы, Людміла Пелуць, наадрэз адмаўляе, што яна некарэктна паводзіла сябе з вучаніцай, і кажа, што не павышала нават на яе голас.
У гэтай клясе, зь яе слоў, з 15 вучняў толькі сем наведваюць факультатыў, бо астатнія бацькі не пісалі на гэта заявы. Але гэтым разам у клясе сядзелі ўсе вучні. Дырэктарка сказала, што пыталася ў настаўніцы — чаму так адбылося?
“Разумееце, Ніна Аляксандраўна мне давяла, што яна нікога не прымушала, а проста сказала: дзеці, калі жадаеце, можаце сядзець і тыя, хто не наведвае факультатыў, бо сёньня вельмі цікавая тэма”.
Я яшчэ запытаўся ў спадарыні Пелуць — чаму ў іх факультатывы тычацца толькі праваслаўнай маралі, а няма каталіцкіх, пратэстанцкіх і іншых.
“Гэта ж ня мы вінаватыя. Вінаватая, да прыкладу, тая ж каталіцкая царква — чаму яны не ідуць у міністэрства і не патрабуюць супрацоўніцтва са школай, як гэта робяць праваслаўныя? Чаму той самы айцец Уладзімер не ідзе ва ўпраўленьне адукацыі і не патрабуе таго ж супрацоўніцтва?”
Паводле зьвестак сайту Гарадзенскага аблвыканкаму, у вобласьці афіцыйна дзейнічае 475 рэлігійных арганізацый 17-ці канфэсій. З 451 зарэгістраванай суполкі — 184 праваслаўныя, 170 каталіцкіх, 2 грэка-каталіцкія, 8 мусульманскіх, 3 юдэйскія, 82 пратэстанцкія і 1 — сьвядомасьці Крышны. Рэлігійную дзейнасьць ажыцьцяўляюць больш за 460 сьвятароў.
Яго вельмі зьдзівіла, што на занятках гэтага факультатыву прысутнічалі тыя дзеці, чые бацькі не пісалі заявы, як гэта прынята ў школе.
“Я зайшоў у клясу і сказаў дзецям, што ваша настаўніца вам ілжэ. І не таму, што праваслаўе — гэта дрэнна, а таму, што яна сказала вам, што гэты ўрок абавязковы, як матэматыка і геаграфія, і яна не паведаміла вашым бацькам, што вы будзеце наведваць гэты факультатыў”.
Амаль палова дзяцей з клясы, зь яго слоў, паднялі руку, што не хацелі б наведваць факультатыў. Калі прыйшла дырэктарка, то большасьць рукі апусьцілі, акрамя адной дзяўчынкі.
Са слоў маці тае дзяўчынкі, Тацяны Бялецкай, дырэктарка пасьля гэтага некарэктна паразмаўляла зь яе дачкой, і тая прыйшла дахаты заплаканай. Сёньня Тацяна Бялецкая хадзіла ў школу, каб разабрацца, але дырэктаркі не засьпела.
Сама спадарыня Бялецкая — праваслаўная. Вось што яна кажа пра гэтую справу:
“Я лічу, што дзіця яшчэ замалое, каб выбіраць такія рэчы. Хаця я ня супраць, каб яна гэта вывучала, але навошта прымушаць, груба ставіцца да дзяцей? У нас жа школа — наш твар, там павінны вучыць усяму добраму”.
Дырэктарка школы, Людміла Пелуць, наадрэз адмаўляе, што яна некарэктна паводзіла сябе з вучаніцай, і кажа, што не павышала нават на яе голас.
У гэтай клясе, зь яе слоў, з 15 вучняў толькі сем наведваюць факультатыў, бо астатнія бацькі не пісалі на гэта заявы. Але гэтым разам у клясе сядзелі ўсе вучні. Дырэктарка сказала, што пыталася ў настаўніцы — чаму так адбылося?
“Разумееце, Ніна Аляксандраўна мне давяла, што яна нікога не прымушала, а проста сказала: дзеці, калі жадаеце, можаце сядзець і тыя, хто не наведвае факультатыў, бо сёньня вельмі цікавая тэма”.
Я яшчэ запытаўся ў спадарыні Пелуць — чаму ў іх факультатывы тычацца толькі праваслаўнай маралі, а няма каталіцкіх, пратэстанцкіх і іншых.
“Гэта ж ня мы вінаватыя. Вінаватая, да прыкладу, тая ж каталіцкая царква — чаму яны не ідуць у міністэрства і не патрабуюць супрацоўніцтва са школай, як гэта робяць праваслаўныя? Чаму той самы айцец Уладзімер не ідзе ва ўпраўленьне адукацыі і не патрабуе таго ж супрацоўніцтва?”
Паводле зьвестак сайту Гарадзенскага аблвыканкаму, у вобласьці афіцыйна дзейнічае 475 рэлігійных арганізацый 17-ці канфэсій. З 451 зарэгістраванай суполкі — 184 праваслаўныя, 170 каталіцкіх, 2 грэка-каталіцкія, 8 мусульманскіх, 3 юдэйскія, 82 пратэстанцкія і 1 — сьвядомасьці Крышны. Рэлігійную дзейнасьць ажыцьцяўляюць больш за 460 сьвятароў.