Лінкі ўнівэрсальнага доступу

logo-print

“Залатая клетка” для арыштантаў


Сёньня ў Мазырскай папраўчай калёніі № 20 адкрылі арыштны дом. Ён прызначаны для ўтрыманьня мужчын, пакараных паводле крымінальных спраў арыштам на 1-6 месяцаў.

Як падае рэгіянальная ўправа Дэпартамэнту выкананьня пакараньняў МУС, арыштны дом — гэта асобны ізаляваны корпус на тэрыторыі калёніі. Камэры ў ім маюць палепшаныя бытавыя ўмовы, але ўтрыманьне ў іх адзначаецца строгай ізаляцыяй. Такая камэра — своеасаблівая залатая клетка для шокавай тэрапіі.

Гэта ўжо трэці арыштны дом у рэгіёне. Падобныя дамы раней былі арганізаваныя ў калёніі № 24 у паселішчы Зарэчча Рэчыцкага раёну й у сьледчым ізалятары № 3 у Гомелі. У іх цяпер адбываюць пакараньне некалькі сотняў зьняволеных.
XS
SM
MD
LG