Кожны год 8 верасьня генэральны сакратар ААН зьвяртаецца да сьвету з пасланьнем, заклікаючы паасобных людзей, арганізацыі і дзяржавы прадэманстраваць сваю салідарнасьць з намаганьнямі для пашырэньня пісьменнасьці і спрыяць разьвіцьцю нефармальнай адукацыі, арыентаванай перадусім на тых, хто быў пазбаўлены магчымасьці скарыстацца школьнай сыстэмай адукацыі.
На сёньняшні дзень, паводле зьвестак ЮНЭСКО, фактычна кожны пяты дарослы ў сьвеце (776 мільёнаў людзей) застаецца непісьменным, 75 мільёнаў дзяцей увогуле не атрымліваюць школьнай адукацыі.
Згодна зь перапісам 1999 году, агульная пісьменнасьць дарослага жыхарства ў Беларусі роўная 99,6 працэнта. Узровень пісьменнасьці 15–24-гадовых жыхароў Беларусі яшчэ вышэйшы – 99,8 працэнта.