Лінкі ўнівэрсальнага доступу

Затрыманы каардынатар фэсту “Аршанская бітва”


Юры Копцік
Юры Копцік

Міліцыя затрымала каардынатара фэсту Юрыя Копціка, карэспандэнта Белсату Івана Шульгу і яшчэ некалькі хлопцаў. Прычынай міліцыянты назвалі наяўнасьць у іх машыне электрагэнератара, а напярэдадні як раз пачасьціліся выпадкі іх выкраданьня.

Затрыманых павезьлі ў мясцовы РАУС. Таму фэст адбудзецца ў некалькі нетрадыцыйным акустычным варыянце. Выканаўцы і слухачы ўжо пачалі зьбірацца. Але людзей пакуль няшмат бо ідзе праліўны дождж.

Выканаўцы і слухачы ўжо пачалі зьбірацца нягледзячы на праліўны дождж. Іх колькасьць пакрысе ўзрастае. Тым часам на аршанскім вакзале міліцыя правярае дакумэнты і перапісвае дадзеныя ў тых, хто выглядае на патэнцыйных удзельнікаў фэсту. А ў прылеглых да месца правядзеньня мясьцінах зьявілася міліцыя з абласной управы МУС.

Непадалёк ад Воршы сёньня адбываецца штогадовы бардаўскі фэст "Аршанская бітва 2008". Фэстываль традыцыйна праходзіць на Крапівенскім полі, гістарычным месцы Аршанскай бітвы, якая адбылася ў 1514 годзе і скончылася перамогай войска Вялікага Княства Літоўскага над расейскім. Міліцыя, заявіла, што на месцы правядзеньня фэсту знойдзеная міна і людзей туды не пускаюць. Арганізатары паведамілі, што ўсё роўна правядуць канцэрт непадалёк, на беразе рэчкі Крапівенкі побач зь вёскай Крапіўна.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG