Лінкі ўнівэрсальнага доступу

Міліцыя знайшла міну на Крапівенскім полі


Аршанская бітва 2009

Аршанская бітва 2009

На Крапівенскім полі ізноў знайшлі міну. Пра гэта паведаміў супрацоўнік ДАІ Ўладзімер Комбальт. Ён адмовіўся патлумачыць адкуль у яго гэтая інфармацыя, паведаміўшы, што зьвесткі канфідэнцыйныя.

Заязджаць на машынах на Крапівенскае поле забаронена. З мінакоў прапускаюць толькі тых, хто недалёка жыве. Міліцэйскія машыны дзяжураць амаль на кожным скрыжаваньні з Воршы да вёскі Гацькаўшчына.

Непадалёк ад Воршы сёньня адбывацца штогадовы бардаўскі фэст "Аршанская бітва 2009". Фэстываль традыцыйна праходзіць на Крапівенскім полі, гістарычным месцы Аршанскае бітвы, якая адбылася ў 1514 годзе і скончылася перамогай войска ВКЛ над расейскім войскам. Міліцыя, аднак, заявіла, што на месцы правядзеньня фэсту знойдзеная міна і людзей туды не пускаюць.

Арганізатары паведамілі, што ўсё роўна правядуць канцэрт непадалёк, на беразе рэчкі Крапівенкі.Пра магчымыя варыянты правядзеньня фэсту “Аршанская бітва 2009” каардынатар Юры Копцік:

Юры Копцік
“Мы ўзялі за аснову той плян, які ў нас стыхійна склаўся ў 2007 годзе ў час гэтай апэрацыі “Achtung”. Сёлета не так жорстка, без АМАПу, без прачосваньня тэрыторыі і пастоў, таму мы будзем станавіцца на нікім незанятым, нікім не ачэпленым месцы правага берагу Крапівенкі паміж дарогай і Дняпром. Усе, хто нас чуюць і чытаюць, кіруйцеся сюды.

Юры Копцік згадаў, што ў 2007 годзе імпрэзу ўжо спрабавалі забараніць падобным чынам. Тады загадзя было абвешчана, што ў Дняпры, паблізу месца, дзе маецца адбыцца фэст, знайшлі снарады. Некалькі соцень людзей, што з’ехаліся сюды, міліцыянты разварочвалі і прымушалі вяртацца ў Воршу. Некаторую частку патэнцыйных слухачоў затрымалі яшчэ на чыгуначным і аўта вакзалах. Але імпрэза адбылася, хоць крыху ў іншым фармаце – удзельнікі і выступоўцы разышліся па некалькіх пляцоўках і аўтарскія песьні ўсё ж прагучалі.

Паказаць камэнтары

XS
SM
MD
LG