Лінкі ўнівэрсальнага доступу

Беларусы хочуць укладаць грошы ў нерухомасьць і хаваць у панчохі


Сацыялягічны цэнтар “Зеркало-Инфо” паспрабаваў высьветліць – куды б уклалі беларусы грошы, калі б яны нечакана зьявіліся ў іх? Супрацоўнік цэнтра Леанід Міхейчыкаў распавёў “Свабодзе”:

Бальшыня - 47% рэспандэнтаў адказалі: інвэставалі б грошы ў пакупку нерухомасьці. Такое жаданьне найбольш характэрнае да людзей ва ўзросьце да 40 гадоў з вышэйшай і сярэдняй адукацыяй. У прафэсыйным пляне гэта інжынэры, прадпрымальнікі, людзі творчых прафэсыяў, сфэры абслугоўваньня, гандлю.

29% апытаных адзначылі: паклалі б грошы ў банкі. І практычна столькі ж (28%) схавалі б “у панчоху”. Менавіта “на панчоху” найперш скіраваныя жыхары абласных цэнтраў і малых гарадоў.
XS
SM
MD
LG