Лінкі ўнівэрсальнага доступу

Туск заклікаў Сідорскага да дэмакратызацыі і захаваньня правоў чалавека


Дональд Туск

Дональд Туск

Прэм'ер-міністар Беларусі Сяргей Сідорскі 1 верасьня ўпершыню за апошнія гады сустрэўся са сваім польскім калегам Дональдам Тускам.


Два прэм’еры абмеркавалі пытаньні двухбаковай супрацы Беларусі і Польшчы. Па выніках сустрэчы паміж Менскам і Варшавай была падпісаная дамова аб супрацоўніцтве ў галіне электраэнэргетыкі.

Цягам свайго двухдзённага працоўнага візыту ў Польшчу, Сяргей Сідорскі прыняў удзел у мерапрыемствах з нагоды 70-ых угодкаў пачатку Другой сусьветнай вайны. Ён таксама сустрэўся з прадстаўнікамі польскіх дзелавых колаў, перадае БелТА.

Акрамя таго, Туск заявіў пра неабходнасць дэмакратызацыі і захаваньня правоў чалавека ў Беларусі, у тым ліку нацыянальных меншасцяў, паведамляе БелаПАН.

Кіраўнік беларускага ўраду падзякаваў Польшчы за ініцыятыву "Усходняе партнэрства". Бакі выказалі спадзяваньне, што праграма будзе садзейнічаць збліжэньню і развіцьцю супрацоўніцтва Беларусі і Эўразьвязу, адзначаецца ў паведамленьні канцылярыі польскага прэм'ера.
XS
SM
MD
LG