Лінкі ўнівэрсальнага доступу

logo-print

Праз год пасьля вайны з Грузіяй назіраецца ўсё больш варожае супрацьстаяньне паміж Расеяй і яе празаходняй суседкай Украінай, піша сёньня “The New York Times”.

"Адносіны паміж краінамі цяпер больш напружаныя, чым калі-небудзь за час пасьля распаду СССР, абодва бакі ужываюць правакацыі і контрабвінавачаньні”, адзначае карэспандэнт Кліфард Дж.Леві.

Апошнія гады Ўкраіна задае тон сярод былых рэспублік СССР, якія імкнуцца на Захад, і Крэмль, праўдападобна, больш ня можа гэтага цярпець, сьцьвярджае выданьне. Нядаўна прэзыдэнт Дзьмітры Мядзьведзеў асудзіў курс Украіны. У мінулы панядзелак расейская пракуратуру абвінаваціла ўкраінскіх вайскоўцаў і сяброў нацыяналістычных арганізацый ва ўдзеле ў баявых дзеяньнях на баку Грузіі летась у жніўні.

З свайго боку, урад Украіны неаднаразова абвінавачваў Расею ў спробах запалохаць і дамагчыся на постсавецкай прасторы свайго ваеннага і эканамічнага дамінаваньня, адзначае газэта.

Напярэдадні прэзыдэнцкіх выбараў ва Ўкраіне кандыдаты, магчыма, будуць больш агрэсіўна адказваць Расеі, а Крэмль паспрабуе скарыстацца сытуацыяй для дапамогі прарасейскім палітыкам, піша “The New York Times”.

Найбольш вострая варожасьць назіраецца ў Севастопалі. Крэмль мяркуе, што ўкраінскія ўлады ў сваёй працы не выяўляюць павагі да гэтага гораду, а Ўкраіна лічыць базу расейскага флёту знакам таго, што Расея па-ранейшаму хоча распаўсюджваць на рэгіён сваю ваенную моц.

"На гэты момант існуюць засьцярогі, што адкрытая ўспышка варожасьці ў Крыме, пры ўсёй яе малаверагоднасьці, можа пацягнуць за сабой ўзброеную канфрантацыю ці нават баявыя дзеяньні накшталт расейска-грузінскай вайны”, адзначае “The New York Times”.

На гэты момант існуюць засьцярогі, што адкрытая ўспышка варожасьці ў Крыме, пры ўсёй яе малаверагоднасьці, можа пацягнуць за сабой ўзброеную канфрантацыю ці нават баявыя дзеяньні накшталт расейска-грузінскай вайны
Насельніцтва Крыма, 60 працэнтаў якога складаюць расейцы , выступае за далучэньне паўвострава да Расеі. Людзі занепакоеныя палітыкай украінскага ўраду, накіраванай на выкарыстаньне ўкраінскай мовы замест расейскай ў афіцыйных мэтах. Сяргей Цэкаў, кіраўнік расейскай абшчыны Крыму, выказаў спадзяваньне, што Расея падтрымае крымскі сэпаратызм гэтак жа адназначна, як раней імкненьні Паўднёвай Асэтыі і Абхазіі. Паводле яго, украінская цэнтральная ўлада правакуе жыхароў Крыму і абыходзіцца зь імі, як Грузія – з абхазцамі і асэтынамі.

Крымскіх сэпаратыстаў заахвочваюць уплывовыя расейскія палітыкі, а Крэмль у публічных заявах абмяжоўваецца заявамі, што парушаць правы этнічных расейцаў у Крыме, недапушчальна, адзначае газэта.

Нагадаем, што з тэрыторыі вайсковай часткі Чарнаморскага флёту 26 жніўня была выдаленая група судовых выканаўцаў, якія патрабавалі ад расейскага боку перадаць ва ўласнасьць Украіны гідраграфічны аб’ект у раёне Херсанэскага маяка. Міністэрства замежных справаў Украіны заявіла, што камандаваньне Чарнаморскага флёту Расеі гэтым груба парушыла заканадаўства Ўкраіны і базавыя міжнародныя дамовы
  • 16x9 Image

    Ганна Соўсь

    Ганна Соўсь нарадзілася ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Аўтарка праекту «Расея і я», сэрыі інтэрвію з 12 экс-прэзыдэнтамі постсавецкіх кранаў. Сябра БАЖ.

Паказаць камэнтары

XS
SM
MD
LG