Лінкі ўнівэрсальнага доступу

Урад прызнаў існаваньне пастановы № 1000


Прыняцьце пастановы ўраду № 1000 выклікана недахопам валютных сродкаў, паведаміў начальнік галоўнай управы прамысловасьці, транспарту і сувязі Міністэрства эканомікі Ўладзімір Дзернавы.

“Кіраўнікі павінны несьці адказнасьць за набыцьцё імпартных прамежкавых і інвэстыцыйных тавараў”, — патлумачыў чыноўнік.

“Гэта значыць, рашэньне пра набыцьцё любых імпартных тавараў павінна прымацца на ўзроўні міністра або намесьніка міністра”, — дадаў Дзернавы.

“Экспарт упаў, валютная выручка ўпала, валюты не хапае — трэба эканоміць”, — цытуе Інтэрфакс словы прадстаўніка Міністэрства эканомікі. — “Акрамя эканамічных мэтадаў — тэндэр, конкурс — даводзіцца ўжываць і адміністрацыйныя”, — дадаў ён.

Пастанова № 1000 абавязвае дзяржаўныя прадпрыемствы рабіць закупы імпартных тавараў толькі пасьля ўзгадненьня з кіраўнікамі органаў дзяржаўнага кіраваньня або іх намесьнікамі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG