Лінкі ўнівэрсальнага доступу

Моладзевая творчая ініцыятыва “Марафон” распачынае кампанію зьменаў “фармату” беларускіх FM-радыёстанцыяў.

“Марафон” абяцае штомесяц ладзіць адбор беларускамоўных песьняў для FM-радыёстанцыяў Беларусі.

“Музычны матэрыял будзе адбірацца ў поўнай адпаведнасьці з існым забаўляльным фарматам FM-радыё, то бок гэта будзе якасная беларускамоўная поп-музыка, танцавальныя вэрсіі не зусім фарматных трэкаў, поп-рок і гэтак далей. Гэтак кожны месяц, пачынаючы з верасьня, мы будзем мець дзесяць песьняў на беларускай мове, якія пасьля натуральнай працэдуры дамоваў і ўзгадненьняў з праваўладальнікамі, музыкамі, і атрыманьня песьняў у адпаведнай якасьці мы будзем перадаваць у ратацыю на FM-радыёстанцыі”, - дзеліцца плянамі адзін з арганізатараў кампаніі “Наш Fармат” Міхал Нядзьвецкі.

У Беларусі дзейнічае абмежаваньне: 75% музыкі, якая трансьлюецца ў эфіры радыёстанцыяў павінна быць беларускай.
стэрэатып, які захаваўся з савецкіх часоў: калі па-беларуску – дык гэта абавязкова “дзярэўня” і “калгас” ...

“Нас вельмі непакоіць той ганебны для незалежнай краіны факт, што на мове тытульнай нацыі ані ў эфіры беларускіх тэлеканалаў, ані радыёстанцыяў няма сучаснай беларускамоўнай музыкі. Улічваючы, што такой музыкі, сапраўды эўрапейскага ўзроўню, мы маем удосталь, тое выглядае яшчэ болей абсурдна. Проста музычныя рэдактары на радыё і тэлебачаньні, відаць, маюць своеасаблівы стэрэатып, які захаваўся з савецкіх часоў: калі па-беларуску – дык гэта абавязкова “дзярэўня” і “калгас”, то бок нейкія фальклёрныя сьпевы нашых бабулек. Таму яны папросту ігнаруюць беларускае”, - гаворыцца ў звароце арганізатараў акцыі “Наш Fармат”.

Сьпіс трэкаў і музыка і фармаце mp3 будуць рэгулярна выкладацца ў блогу nashfarmat.livejournal.com ды ў сацыяльных сетках.

Моладзевая творчая ініцыятыва “Марафон” існуе ад 2007 году. Яна арганізавала дзьве імпрэзы “Кліп-марафон” (2008 і 2009) па ўганараваньню лепшых з лепшых у беларускім кліпмэйкінгу.

Пры дапамозе БМАGROUP і парталу Lacinka.org была выдадзена DVD-кампіляцыя з 42 лепшых беларускамоўных кліпаў за апошнія 20 год.

Паказаць камэнтары

XS
SM
MD
LG