Лінкі ўнівэрсальнага доступу

logo-print

Сойм Літвы высьветліць пра сакрэтную турму ЦРУ каля Вільні

  • БелаПАН

Адмыслова створаны камітэт літоўскага Сойму мае намер праверыць інфармацыю аб тым, што каля Вільні знаходзілася сакрэтная турма ЦРУ, дзе ўтрымліваліся падазраваныя ў тэрарызме. Пра гэта літоўскі прэыдэнт Даля Грыбаўскайце заявіла журналістам у Бруселі 25 жніўня, паведамляе агенцтва Франс Прэс.

Пры гэтым Грыбаўскайце адзначыла, што ня мае зьвестак, якія пацьвярджаюць такія абвінавачаньні.

21 жніўня інфармацыю аб наяўнасьці ў Літве турэмнай базы ЦРУ перадала амэрыканская тэлекампанія АВС са спасылкай на крыніцу ў самім ведамстве. Мяркуецца, што ў папраўчай установе ў навакольлях Вільні ўтрымлівалася да васьмі падазроных у сувязях з тэрарыстычнай групоўкай "Аль-Каіда". Паводле зьвестак тэлеканала, турма ў Літве існавала з 2001 па 2005 гады.

Рэйсы ў Вільню паводле замовы ЦРУ былі рэгулярнымі, паведамілі амэрыканскія журналісты. Так, праваабаронцы ў ЗША сьцьвярджаюць, што бачылі ў бартавых журналах пункт прызначэньня "Літва".

Парлямэнцкая асамблея Рады Эўропы заклікала літоўскія ўлады правесьці ўважлівае расьсьледаваньне ў сувязі з інфрамацыяй аб магчымым існаваньні сакрэтнай турмы ЦРУ на тэрыторыі Літвы.
XS
SM
MD
LG