Лінкі ўнівэрсальнага доступу

logo-print

Мінтранс: Без павелічэньня тарыфаў не абысьціся


У хуткім часе ў Беларусі могуць павысіцца тарыфы на пасажырскія перавозкі ў гарадзкім транспарце. Пра гэта паведаміў міністар транспарту і камунікацый Іван Шчэрба ў інтэрвію газэце "Рэспублiка", апублікаваным 25 жніўня.

"Пачынаючы са жніўня 2007 года тарыфы на перавозку застаюцца нязьменнымі. Аднак з таго часу павялічыліся цэны на паліва, запасныя часткі і агрэгаты, зьмяніліся сумы і стаўкі экалягічнага падатку", — патлумачыў кіраўнік Мінтранса.

Паводле яго слоў, кошт аўтобусаў, што набываюцца аўтапрадпрыемствамі, павялічыўся ў сярэднім да 30%. Таму страты Мінтранса за першы квартал 2009 года дасягнулі 7,7 млрд. руб., за першае паўгодзьдзе 2009 года — 13,7 млрд. руб., а ў параўнаньні з мінулым годам узрасьлі адпаведна ў 4,3 і 2,2 разу.

Уласнымі даходамі ў першым паўгодзьдзі 2009 года акупляецца 72,9% перавозак, субсыдыямі — 18,2%, а не кампэнсуюцца нічым 8,9% расходаў.

"Таму без павелічэньня тарыфаў не абысьціся. Лічым, што гэта адбудзецца ў хуткім часе", — зазначыў кіраўнік Мінтранса.
XS
SM
MD
LG