Лінкі ўнівэрсальнага доступу

Да юрыста "Новага жыцьця" прыйшлі судовыя выканаўцы


Сяргей Луканін, юрыст царквы "Нова жыцьцё"
Сяргей Луканін, юрыст царквы "Нова жыцьцё"

На кватэру бацькоў юрыста царквы “Новае жыцьцё” Сяргея Луканіна прыйшлі судовыя выканаўцы. Яны ўручылі ягоным бацькам акт, згодна з якім будынак вернікаў на вуліцы Кавалёва, 72 стаў маёмасьцю Менгарвыканкаму.

Цяпер паводле заканадаўства да вернікаў, якія знаходзяцца ў будынку могуць быць ужытыя санкцыі за самавольнае засяленьне ў будынак, калі тыя яго не вызваляць.

Тым часам вернікі “Новага жыцьця” запэўнілі Свабоду, што яны не сыдуць з будынку. Сёньня там зьбіраюцца дзеці вернікаў, а заўтра, як звычайна, адбудзецца нядзельнае набажэнства.

Напярэдадні вернікі суполкі “Новае жыцьцё” завяршылі 26-гадзінны музычны маратон, які стартаваў 20 жніўня а 7 вечара. Паводле судовага рашэньня, яны мусілі ў чацьвер пакінуць будынак царквы і аддаць ключы. Але вернікі заявілі, што не аддадуць свой храм, і распачалі 26-гадзінны музычны маратон.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG