Лінкі ўнівэрсальнага доступу

logo-print

Хворага на “сьвіны грып” выпісваюць са шпіталя


21 жніўня зь Менскай гарадзкой клінічнай інфэкцыйнай лякарні павінны выпісаць грамадзяніна Кітаю, які прывёз у Беларусь “сьвіны грып”.

“Грамадзянін Кітаю, у якога быў лябараторна пацьверджаны высокапатагенны грып А/H1N1, ужо практычна выздаравеў, мы яго выпісваем”, — паведамілі Інтэрфаксу ў лякарні.

“Разам зь ім будзе выпісана яго жонка. Цяпер яны знаходзяцца ў боксах”, — дадалі суразмоўцы агенцтва.

19 жніўня вірус “сьвінога грыпу” лябараторна пацьвердзілі ў грамадзяніна Кітаю.

Хворы, імя якога не называецца, навучаецца ў асьпірантуры БДУ.

10 жніўня ён з жонкай вярнуўся ў Беларусь з вакацыяў, які праводзіў у КНР.

Вечарам 14 жніўня асьпірант зьвярнуўся ў лякарню ў сувязі зь першымі сымптомамі грыпу ў жонкі. Аднак у ягонай жонкі вірус А/Н1N1 мэдыкі не знайшлі.
XS
SM
MD
LG