Сёньня Іван Крук чарговым разам пераконваў суд, што ўсяго толькі даў свайму суседу пачытаць некалькі газэтаў, якія, да ўсяго, і не зьяўляюцца пэрыядычнымі выданьнямі, бо іх наклад - 299 асобнікаў і выходзяць яны нерэгулярна.
Актывіста яшчэ ў чэрвені пакаралі штрафам на 20 базавых велічыняў - каля 750 тысяч рублёў - з фармулёўкай: за распаўсюд друкаваных выданьняў без выходных дадзеных.
Іван Крук перакананы, што прысуд яму пакінулі ў сіле толькі за тое, што ў газэтах зьмяшчалася крытычная інфармацыя пра будаўніцтва атамнай станцыі ў Астравецкім рэгіёне. Актывіст настроены дамагацца праўды нават у міжнародных інстанцыях.
Перад пачаткам працэсу ў залю суду дзяжурны міліцыянт не дапускаў Валерыя Шчукіна, спасылаючыся на загад судзьдзі. Праўда, Валеры Шчукін на гэта не паддаўся і дамогся таго, каб у залю змаглі зайсьці ўсе ахвотныя.
Кажа праваабаронца Валеры Шчукін:
“Павінен сказаць, што я ўжо даўно з такім беззаконьнем не сустракаўся, каб судзьдзя вырашаў - каго пускаць, а каго не пускаць. Суды ў нас пакуль адкрытыя, а калі працэс закрыты, то судзьдзя павінен вынесьці рашэньне. Таму я зараз напісаў заяву на імя старшыні суду, у якой канстатаваў грубае парушэньне закону судзьдзёй М.Рачынскім, а таксама міліцыянтам, які павінен выконваць толькі законныя распараджэньні судзьдзі. А паколькі ўказаньні судзьдзі Рачынскага былі незаконныя, ён не павінен быў іх выконваць”.
Актывіста яшчэ ў чэрвені пакаралі штрафам на 20 базавых велічыняў - каля 750 тысяч рублёў - з фармулёўкай: за распаўсюд друкаваных выданьняў без выходных дадзеных.
Іван Крук перакананы, што прысуд яму пакінулі ў сіле толькі за тое, што ў газэтах зьмяшчалася крытычная інфармацыя пра будаўніцтва атамнай станцыі ў Астравецкім рэгіёне. Актывіст настроены дамагацца праўды нават у міжнародных інстанцыях.
Перад пачаткам працэсу ў залю суду дзяжурны міліцыянт не дапускаў Валерыя Шчукіна, спасылаючыся на загад судзьдзі. Праўда, Валеры Шчукін на гэта не паддаўся і дамогся таго, каб у залю змаглі зайсьці ўсе ахвотныя.
Кажа праваабаронца Валеры Шчукін:
“Павінен сказаць, што я ўжо даўно з такім беззаконьнем не сустракаўся, каб судзьдзя вырашаў - каго пускаць, а каго не пускаць. Суды ў нас пакуль адкрытыя, а калі працэс закрыты, то судзьдзя павінен вынесьці рашэньне. Таму я зараз напісаў заяву на імя старшыні суду, у якой канстатаваў грубае парушэньне закону судзьдзёй М.Рачынскім, а таксама міліцыянтам, які павінен выконваць толькі законныя распараджэньні судзьдзі. А паколькі ўказаньні судзьдзі Рачынскага былі незаконныя, ён не павінен быў іх выконваць”.