Падчас паездкі ў Ляхавіцкі раён Аляксандар Лукашэнка наведаў сьвінакомплекс, пабудаваны па дацкай тэхналёгіі і заявіў, што такія сьвінакомплексы трэба “укараняць па ўсёй Беларусі”. Таксама ён паабяцаў, што ўжо ад 2011 года “мы будзем жыць як у Эўропе”. Камэнтуючы гэтыя заявы, кіраўнік цэнтру “Стратэгія” Леанід Заіка адзначыў:
“Што мяне зьдзіўляе? Пра сьвіней беларускі прэзыдэнт клапоціцца больш, чым аб простых людзях. Паглядзіце як жывуць у нашых аграгарадках, у нашых вёсках. Ваду носяць каромысламі. А сьвіньня павінна прагрэсаваць, сьвінакомплексы павінны быць дацкія. Замест таго каб пабудаваць дацкія дамы для калгасьнікаў і рабочых саўгаса. Хто пра гэта думае? Трэба прама сказаць: давайце пачынаць не са сьвіней, а зь людзей”.
Паводле спадара Заікі, даганяць Эўропу давядзецца “са становішча нізкага старту”. Да таго ж у Беларусі вельмі дарагая сельская гаспадарка. А прадукты харчаваньня ў суседніх краінах таньней, чым у нас.
“Сельская гаспадарка атрымлівае субсыдыі з кішэняў падаткаплатнікаў. Каля паўтара мільярда і больш. І цяпер сельская гаспадарка ў зьвязку з ростам цэнаў ідзе прыкладна плюс 6%. А насельніцтва ў гэтым годзе паменшыла вытворчасьць харчаваньня на 5%, бо гэта занадта дорага. У іх няма такіх льгот, якія атрымліваюць дырэктары саўгасаў і старшыні калгасаў”.
Эканаміст Барыс Жаліба мяркуе, што цяпер асноўная задача перажыць крызіс, дна якога Беларусь пакуль не дасягнула. Таму выказваньні А. Лукашэнкі хутчэй накіраваны на тое, каб падняць настрой у грамадзтве.
“Такія выказваньні мы чуем ад кіраўніцтва краіны ня першы раз і ня першы год. Маўляў, хутка вы сельскую гаспадарку не пазнаеце, мы выйдзем на ўзровень эўрапейскі і гэтак далей. І гэта абяцаецца за нейкія два-тры гады. Я лічу, што гэта не рэальна. Гэта мае нейкія рысы папулізму. Ставіць трэба рэальныя задачы, задачы сёньняшняга дня”.
Паводле эканаміста Леаніда Злотнікава, паказчыкі беларускай сельскай гаспадаркі ў два-тры разы ніжэй, чым у разьвітых краінах. І яны дасягнутыя дзякуючы вельмі таннай працы калгасьнікаў. Спадар Злотнікаў ня верыць абяцаньню А. Лукашэнкі, што ўжо ад 2011 года “мы будзем жыць як у Эўропе”.
“Тут застаецца ў асноўным дзяржаўная ўласнасьць на сродкі вытворчасьці, на зямлю. І гэта ўсё неэфэктыўна, з-пад палкі. Усё гэта з-пад бізуна, каб гэтыя паказчыкі расьлі. Такі падыход — гэта проста несур’ёзна. Я ня веру ў нейкія зрухі ў нашым жыцьці. Пакуль я бачу адно, што няма выйсьця з крызісу, у які мы падаем. Лепш народ ня будзе жыць за кошт таго, што пабудуюць больш за сотню малочных комплексаў, якія павінны запрацаваць у гэтым годзе, на якія затрацілі шмат сродкаў. Але што толку з гэтага, калі наша малако даражэй нават, чым у Расеі. І наш экспарт малочных прадуктаў стратны”.
“Што мяне зьдзіўляе? Пра сьвіней беларускі прэзыдэнт клапоціцца больш, чым аб простых людзях. Паглядзіце як жывуць у нашых аграгарадках, у нашых вёсках. Ваду носяць каромысламі. А сьвіньня павінна прагрэсаваць, сьвінакомплексы павінны быць дацкія. Замест таго каб пабудаваць дацкія дамы для калгасьнікаў і рабочых саўгаса. Хто пра гэта думае? Трэба прама сказаць: давайце пачынаць не са сьвіней, а зь людзей”.
Паводле спадара Заікі, даганяць Эўропу давядзецца “са становішча нізкага старту”. Да таго ж у Беларусі вельмі дарагая сельская гаспадарка. А прадукты харчаваньня ў суседніх краінах таньней, чым у нас.
“Сельская гаспадарка атрымлівае субсыдыі з кішэняў падаткаплатнікаў. Каля паўтара мільярда і больш. І цяпер сельская гаспадарка ў зьвязку з ростам цэнаў ідзе прыкладна плюс 6%. А насельніцтва ў гэтым годзе паменшыла вытворчасьць харчаваньня на 5%, бо гэта занадта дорага. У іх няма такіх льгот, якія атрымліваюць дырэктары саўгасаў і старшыні калгасаў”.
Эканаміст Барыс Жаліба мяркуе, што цяпер асноўная задача перажыць крызіс, дна якога Беларусь пакуль не дасягнула. Таму выказваньні А. Лукашэнкі хутчэй накіраваны на тое, каб падняць настрой у грамадзтве.
“Такія выказваньні мы чуем ад кіраўніцтва краіны ня першы раз і ня першы год. Маўляў, хутка вы сельскую гаспадарку не пазнаеце, мы выйдзем на ўзровень эўрапейскі і гэтак далей. І гэта абяцаецца за нейкія два-тры гады. Я лічу, што гэта не рэальна. Гэта мае нейкія рысы папулізму. Ставіць трэба рэальныя задачы, задачы сёньняшняга дня”.
Паводле эканаміста Леаніда Злотнікава, паказчыкі беларускай сельскай гаспадаркі ў два-тры разы ніжэй, чым у разьвітых краінах. І яны дасягнутыя дзякуючы вельмі таннай працы калгасьнікаў. Спадар Злотнікаў ня верыць абяцаньню А. Лукашэнкі, што ўжо ад 2011 года “мы будзем жыць як у Эўропе”.
“Тут застаецца ў асноўным дзяржаўная ўласнасьць на сродкі вытворчасьці, на зямлю. І гэта ўсё неэфэктыўна, з-пад палкі. Усё гэта з-пад бізуна, каб гэтыя паказчыкі расьлі. Такі падыход — гэта проста несур’ёзна. Я ня веру ў нейкія зрухі ў нашым жыцьці. Пакуль я бачу адно, што няма выйсьця з крызісу, у які мы падаем. Лепш народ ня будзе жыць за кошт таго, што пабудуюць больш за сотню малочных комплексаў, якія павінны запрацаваць у гэтым годзе, на якія затрацілі шмат сродкаў. Але што толку з гэтага, калі наша малако даражэй нават, чым у Расеі. І наш экспарт малочных прадуктаў стратны”.