Лінкі ўнівэрсальнага доступу

logo-print

Жыхар Коханава пагражаў спаліць дачку, але спаліў хату і цешчу. Паводле мясцовага актывіста Мікалая Петрушэнкі, трагедыі ў пасёлку магло б і не здарыцца, каб Талачынскія райвыканкам і міліцыя больш актыўна змагаліся з алькагалізацыяй насельніцтва.

Спадар Петрушэнка распавёў акалічнасьці здарэньня.

Жыхар Коханава Мікалай Шэміт, які раней працаваў у Расеі, а паўгода таму вярнуўся і стаў беспрацоўным, у нецьвярозым стане неаднаразова і публічна шантажаваў сваю былую жонку тым, што абалье газай ды падпаліць іхную семнаццацігадовую дачку, калі жанчына не пагодзіцца прыняць яго назад у сям’ю. Спадарыня скардзілася на пагрозы мужа, зь якім яна ўжо даўно ў разводзе, участковаму міліцыянту. Аднак, у міліцыі ніяк не рэагавалі: маўляў, пакуль не дайшло да справы, уплыву на зламысьнікаў няма.

4-га жніўня пагрозы коханаўца здзейсьніліся: хата, дзе жылі ягоная дачка – сёлетняя выпускніца сярэдняй школы, разьведзеная жонка і былая цешча, загарэлася. Падпальшчык адчыніў газавы балён, паднёс запалку – і драўляная будыніна занялася так хутка, што толькі дзьве маладзейшыя жанчыны пасьпелі выбегчы, у чым стаялі. Старэйшая згарэла зажыва. Сам падпальшчык у той самы дзень засіліўся.

Паводле актывіста ПКБ і ўдзельніка грамадзкай кампаніі “Наш дом” Мікалая Петрушэнкі, трагічнае здарэньне ўсхвалявала жыхароў пасёлку, але не мясцовыя ўлады. Больш за тое: жанчыну, якая праз учынак былога мужа страціла родную маці і жытло, мясцовае кіраўніцтва змушае хаваць вінаватага за свае ўласныя сродкі. Аніякай матэрыяльнай дапамогі ні ёй самой, ні няпоўнагадовай дачцэ афіцыйныя асобы не прапанавалі.

Паказаць камэнтары

XS
SM
MD
LG