Лінкі ўнівэрсальнага доступу

Сёньня гомельскі актывіст “Маладога фронту” Андрусь Цянюта атрымаў праз пошту паведамленьне за подпісам гарадзкога ваенкама Вячаслава Цацарына на часовае абмежаваньне выезду з Рэспублікі Беларусь.

У ім гаворыцца, што выезд абмежаваны на падставе рашэньня № 1033 ад 27 ліпеня “ў сувязі зь няяўкай на мерапрыемствы прызыву на тэрміновую ваенную службу”.

Як паведамлялася, 22-гадовага спадара Цянюту выклікалі ў ваенкамат 24 ліпеня. Аднак туды ён не хадзіў, а даслаў даведку, што зьяўляецца студэнтам-завочнікам 3 курсу Бранскай сельскагаспадарчай акадэміі. Вучоба дае права на адтэрміноўку ад службы ў войску.

Андрусь Цянюта наважаны абскардзіць рашэньне на абмежаваньне выезду за межы Беларусі ў абласны ваенкамат.
XS
SM
MD
LG