Лінкі ўнівэрсальнага доступу

28 ліпеня ў Брусэлі адбудзеццца сустрэча міністра замежных справаў Сяргея Мартынава з вярхоўным каррдынатарам ЭЗ у пытаньнях замежнай палітыкі і бясьпекі Гаўерам Салянам.

Паведамляецца, што адбудзецца таксама сустрэча Мартынава з эўракамісарам па падатках і мытным саюзе Ласла Ковачам, а таксама з так званай “тройкай” Эўразьвязу – Карлам Більдтам, міністрам замежных справаў Швэцыі, якая зараз старшынюе ў ЭЗ, прадстаўнікамі Эўракамісіі і Генэральнага сакратарыяту ЭЗ.

Сёньня ж у Брусэлі праходзіць нарада міністраў замежных справаў краінаў Эўразьвязу -- першая, на якой старшынюе Швэцыя, якая пераняла старшыньства ў Чэхіі 1 лепеня сёлета. Сярод праблемаў на парадку дня нарады – сытуацыя на Каўказе, іранская праблема, заяўка на ўступленьне ў Зьвяз Ісляндыі і беларуская праблема.

Як паведамляе наш карэспандэнт у Брусэлі Ахто Лоб’якас, балянсаваньне Лукашэнкі паміж Эўразьвязам і Расеяй, якіх ён ў нядаўнім інтэрвію назваў “двума монстрамі”, пераканалі большасьць краінаў-сябраў Зьвязу, што цяперашні час -- ня самы ўдалы для ўзмацненьня ціску на Беларусь. Эўрапейскія чыноўнікі адзначаюць некаторыя крокі Менску, якія абазначаюць гатоўнасьць супрацьстаяць Маскве. Беларусь дагэтуль не прызнала незалежнасьць грузінскіх аўтаномій Абхазіі і Паўднёвай Асэтыі, на чым настойвае Масква. На мінулым тыдні Беларусь на некалькі дзён перакрыла расейскі нафтапрадуктаправод “Унеча-Вентспілс”.

Паводле нямецкай газэты “Хандэльсблат” крэдытаў у памеры 3.5 мільярдаў даляраў, якія Беларусь атрымала ад Міжнароднага валютнага фонду хопіць, каб стабілізаваць сваю валюту, але каб заплаціць газавыя даўгі Расеі, патрэбнае дадатковае крэдытаваньне.

Паказаць камэнтары

XS
SM
MD
LG