Лінкі ўнівэрсальнага доступу

Магілёўшчына ідзе пад ваду


Наступствы моцнага дажджу ў Магілёве.

Наступствы моцнага дажджу ў Магілёве.

За суткі тут выпала восемдзесят працэнтаў месячнай нормы ападкаў. Дождж не сунімаецца дагэтуль.

Паводле інфармацыі абласной управы надзвычайных сытуацыяў, у некаторых раёнах размыла дарогі. Напрыклад, на магістралі Магілёў — Чавусы вадой змыта дзесяць мэтраў асфальтавага пакрыцьця. Дабрацца да райцэнтру Чавусы можна толькі ў аб’езд. Падтапіла й чыгуначны перагон на ўчастку Магілёў — Вендраж.

Пад вадой апынуліся прыватныя й калгасныя палеткі.

У абласным цэнтры каналізацыйныя калектары не ўпраўляюцца з вадою. Падтапіла сорак пяць прыватных дамоў і падвалы трох шматпавярховых дамоў. Жыхароў не адсялялі.

У адпампоўваньні вады задзейнічаныя пажарныя машыны, тэхніка гарадзкога водаканалу, камунальных і дарожных службаў.


XS
SM
MD
LG